Яг одоо Тусгаар тогтнолын ордонд НҮБ-д элссэний 51 жилийн ойд зориулсан арга хэмжээ болж байна. Монгол улс НҮБ-д элсэх өргөдлөө анх 1946 онд гаргасан байна. 1946 оноос хойш Монгол улс жил бүр гишүүнээр элсэх өргөдлөө гарагаж байлаа. Гэвч нь энэ нь тухайн үед ноёлж байсан хүйтэн дайны уур амьсгал болон капиталист, социалист лагериудын хоорондын тэмцэл хурцдаж байснаас шалтгаалж амжилтгүй болж байсан байна. Үүний улмаас Монгол улс НҮБ-д элсэх явдал 15 жилээр хойшлогдсон юм.

1960-аад оны эхээр Ази, Африкийн хуучин колони байсан олон орон тусгаар тогтнолоо олж, НҮБ-ын гишүүн болсон нь НҮБ дахь хүчний харьцааг өөрчилсөн юм. Монгол улстай дипломат харилцаатай орнууд ч нэмэгдсэн юм. Энэтхэг зэрэг гуравдагч ертөнцийн нөлөө бүхий орнууд Монгол улсыг НҮБ-д элсүүлэхийг Ерөнхий ассамблейн индэр дээрээс шаардах болсон байна.

НҮБ нь олон улсын энх тайван, аюулгүй байдлыг сахин хамгаалж, хамтын ажиллагааг бэхжүүлэх зорилт бүхий олон улсын олон талт байгууллага гол байгууллага юм. Монгол улс 1961 онд НҮБ-д элсэн орсноор тус улсын нэр хүнд олон улсын тавцанд нэмэгдэж, гадаад харилцаа нь өргөжин бэхжих болжээ. НҮБ нь Монгол улсын тусгаар тогтнол, аюулгүй байдлыг улс төрийн аргаар сахин бэхжүүлэх чухал хүчин зүйл болсон юм. Монгол улс НҮБ болон түүний харъя орнуудаас 1963 оноос хойш 200 гаруй сая доллоарын техникийн болон буцалтгүй тусламж үзүүлсэн байна. Монгол улс НҮБ-д элсэн орсноош хойш янз бүрийн асуудлаар 50 гаруй шийдвэрийг санаачлан батлуулж, 500 гаруй шийдвэрийг хамтран боловсруулжээ. Монгол улс, НҮБ-д элссэнээс хойш Ерөнхий ассамблейн дэд ерөнийлөгчөөр 6 удаа, ерөнхий ассамблейн гол хороодын итгэгч, дэд даргаар нийт 14 удаа сонгогджээ. Монгол улсын Ерөний ассамблейн чуулганд төрийн тэргүүний түвшинд 6 удаа оролцжээ. Үүнд: Ю.Цэдэнбал/1967/, П.Очирбат/1992,1995/, Ерөнхий сайд М.Энхсайхан /1996/, Багабанди /2000/, Н.Энхбаяр /2005/ онд тус бүр оролцжээ.

Монгол улс дэлхийн томоохон орнуудтай харьцуулахад жижиг хэмжээний зэвсэгт хүчинтэй хэдий ч НҮБ-ын гишүүний хувьд олон улсын энх тайван болон терроризмийн эсрэг дэлхий нийтийн үйл хэрэгт бодитой хувь нэмэр оруулж, 200 оноос хойш дэлхийн улс орнууд руу энхийг сахиулагчид, ажиглагчдаа илгээжээ. Монголын 1000 орчим цэргийн албан хаагч дэлхийн халуун цэгүүдэд алба хаасан байна.