Мөрдөн байцаагч Б.Бат-Олзвой, Г.Ганболд, Н.Өлзийсайхан нарыг ажлаас нь түдгэлзүүлж, яллагдагчаар Улсын ерөнхий прокурорын дэргэдэх Мөрдөн байцаах албаныхан саяхан татжээ.
Авлигатай тэмцэх газрын ахлах мөрдөн байцаагч Б.Бат-Олзвой нь албаны эрх хэмжээгээ хортойгоор урвуулан ашиглаж, Эрүүгийн байцаан шийтгэх ажиллагааг ноцтойгоор зөрчин гэрч нарыг дарамталж, хуурамч мэдүүлэг авах, хууль бусаар зодож дарамталсан байна. Ингэхдээ Сэлэнгэ аймгийн цагдаагийн газрын эрүүгийн төлөөлөгчөөр ажиллаж байсан Г.Ганболд, н.Өлзийсайхан нартай бүлэглэн өс хонзонгийн сэдлээр хүний эрхийг ноцтойгоор зөрчиж бусдыг авлигын хэрэгт унагасан хэмээн яллагдагчаар татагджээ. Б.Бат-Олзвой нь АТГ-ын ахлах мөрдөн  байцаагч, Г.Ганболд нь Эрүүгийн цагдаагийн газрын тасгын дарга, н.Өлзийсайхан нь Сэлэнгэ аймгийн цагдаагийн газрын Эрүүгийн тасгийн даргаар ажиллаж байхад нь ийнхүү өмнө нь үйлдсэн хэрэгтэй нь холбогдуулж тэднийг ажлаас нь түдгэлзүүлжээ. Гурван мөрдөн байцаагчийг хуулийн байгууллагын нэр хүндийг унагасан хэмээн Эрүүгийн хуулийн 249 дүгээр зүйлд заасан "Бусдыг хууль бусаар баривчлах", 251 дүгээр зүйлд заасан "Эрүү шүүлт тулгах", 253 дугаар зүйлд заасан Нотлох баримтыг хуурамчаар бүрдүүлэх" зэрэг Эрүүгийн хэргийн зүйл ангиудаар яллахаар төлөвлөжээ. Мөн бусдыг авлигын хэрэгт унагахдаа танил тал дээд шүүхийн хамаатан саднаа ашигласан хэмээн үзэж буй аж.

Мөрдөн байцаагч Б.Бат-Олзвой, Г.Ганболд, Н.Өлзийсайхан нарыг ажлаас нь түдгэлзүүлж, яллагдагчаар Улсын ерөнхий прокурорын дэргэдэх Мөрдөн байцаах албаныхан саяхан татжээ.
Авлигатай тэмцэх газрын ахлах мөрдөн байцаагч Б.Бат-Олзвой нь албаны эрх хэмжээгээ хортойгоор урвуулан ашиглаж, Эрүүгийн байцаан шийтгэх ажиллагааг ноцтойгоор зөрчин гэрч нарыг дарамталж, хуурамч мэдүүлэг авах, хууль бусаар зодож дарамталсан байна. Ингэхдээ Сэлэнгэ аймгийн цагдаагийн газрын эрүүгийн төлөөлөгчөөр ажиллаж байсан Г.Ганболд, н.Өлзийсайхан нартай бүлэглэн өс хонзонгийн сэдлээр хүний эрхийг ноцтойгоор зөрчиж бусдыг авлигын хэрэгт унагасан хэмээн яллагдагчаар татагджээ. Б.Бат-Олзвой нь АТГ-ын ахлах мөрдөн  байцаагч, Г.Ганболд нь Эрүүгийн цагдаагийн газрын тасгын дарга, н.Өлзийсайхан нь Сэлэнгэ аймгийн цагдаагийн газрын Эрүүгийн тасгийн даргаар ажиллаж байхад нь ийнхүү өмнө нь үйлдсэн хэрэгтэй нь холбогдуулж тэднийг ажлаас нь түдгэлзүүлжээ. Гурван мөрдөн байцаагчийг хуулийн байгууллагын нэр хүндийг унагасан хэмээн Эрүүгийн хуулийн 249 дүгээр зүйлд заасан "Бусдыг хууль бусаар баривчлах", 251 дүгээр зүйлд заасан "Эрүү шүүлт тулгах", 253 дугаар зүйлд заасан Нотлох баримтыг хуурамчаар бүрдүүлэх" зэрэг Эрүүгийн хэргийн зүйл ангиудаар яллахаар төлөвлөжээ. Мөн бусдыг авлигын хэрэгт унагахдаа танил тал дээд шүүхийн хамаатан саднаа ашигласан хэмээн үзэж буй аж.