Хэвлэлийн Хүрээлэнд 11:00 цагаас сэтгүүлчдийн эрхэнд дахин халдсан балмад үйлдлийн талаарх хэвлэлийн бага хурлыг хэвлэл мэдээллийн зарим байгууллага, МСЭ, Хэвлэлийн Хүрээлэн хамтран зарлажээ. Мөн 12:00 цагаас барилгын газрын зөвшөөрлөө хүчингүй болгосон "Тэмүүлэнбаатар" компаний удирдлага мэдээлэл хийх юм байна. Түүнчлэн УИХ-ын эмэгтэй гишүүдийн бүлгээс UNDP-тэй хамтран “Орон нутгийн сонгуульд эмэгтэй нэр дэвшигчдээ дэмжье!” кампанит ажил зохиож буй талаараа мөн хэвлэлийн бага хурал хийхээр болжээ.