Өнөөдөр УИХ-ын Төрийн байгуулалтын байнгын хорооны хуралдаанаар УИХ-ын Тамгын газрын дарга Ц.Шаравдоржийг өөрийнх нь хүсэлтээр ажлаас нь чөлөөлөх асуудлыг хэлэлцлээ. Байнгын хорооны гишүүд Ц.Шаравдоржийг ажлаас чөлөөлөгдөх хүсэлтийг хүлээн авч, оронд нь энэ албан тушаалд  Б.Болдбаатарыг дэмжлээ.

  Б.Болдбаатар 1968 онд төрсөн. 1992 онд Москвагийн авто замын дээд сургууль, 2001 онд МУИС-ийн Хууль зүйн сургуулийг төгссөн. Инженер, хууль мэргэжилтэй. 2004 оноос УИХ-ын тамгын газар, намын бүлэгт ажиллаж ирсэн. УИХ дахь Эх орон- ардчилал эвслийн бүлгийн ажлын албаны дэд дарга, УИХ дахь олонхийн бүлгийн ажлын албаны дэд дарга, УИХ дахь АН-ын зөвлөлийн болон АН-ын бүлгийн ажлын албанд ажиллаж байсан.
   Мөн байнгын хорооны гишүүд ар гэрийн асуудлаас УИХ-ын гишүүний эрхээс татгалзах хүсэлт гаргасан У.Хүрэлсүхийн асуудлыг хэлэлцэж, дэмжлээ.