АНУ-ын ерөнхийлөгч Барак Обама “Одоогоос 200 жилийн тэртээ америкийн анхны колони улсууд нэгдэн АНУ-ыг байгуулсан. Бид үргэлж урагшилж байсны гол шалтгаан нь эв нэгдэлтэй байж янз бүрийн гай зовлонг туулж өнгөрүүлсэнд оршино. Хүн бүхэн өөр өөрсдийнхөө ашиг сонирхлыг хичээдэг байсан боловч бид нэг гэр бүл гэдгээ үргэлж ухамсарлаж байсан юм. Одоо ч бид нэг гэр бүл гэдгээ харж байна.

АНУ-ын 44, 45 дахь ерөнхийлөгч Барак Обама сонгогчиддоо хандан үг хэллээ. Тэрээр эхнэр Мишель болон Саша, Малия хэмээх хоёр охинтойгоо хамт гарч ирсэн юм.

Тэднийг дэмжсэн олны шуугианыг ерөнхийлөгч баярлалаа хэмээх үгээр намсган, ялалтын үгээ хэллээ.

АНУ-ын ерөнхийлөгч Барак Обама “Одоогоос 200 жилийн тэртээ америкийн анхны колони улсууд нэгдэн АНУ-ыг байгуулсан. Бид үргэлж урагшилж байсны гол шалтгаан нь эв нэгдэлтэй байж янз бүрийн гай зовлонг туулж өнгөрүүлсэнд оршино. Хүн бүхэн өөр өөрсдийнхөө ашиг сонирхлыг хичээдэг байсан боловч бид нэг гэр бүл гэдгээ үргэлж ухамсарлаж байсан юм. Одоо ч бид нэг гэр бүл гэдгээ харж байна.

Бид хүнд замыг тууллаа. Энэ замыг туулж ялалт байгууллаа. Энэ тулаанд АНУ яллаа. Энэхүү сонгуульд оролцсон америкийн иргэн бүрт талархал илэрхийлье. Мөн сонгуульд амьдралдаа анх удаа оролцож буй хүмүүст баяр хүргэе. Бидний ялалт Диксвилле Нотчоос эхэлсэн. Энэ бол зөвхөн Барак Обама эсвэл Митт Ромнийн төлөөх сонгууль байгаагүй юм. Энэхүү сонгуульд нэр төртэй оролцсон Массачуссетс мужийн төлөөлөгч Митт Ромни болон Пол Райн нарт баяр хүргэе.
Бид ирээдүйдээ итгэлтэй байж болно. Энэ бол миний хэлэх хамгийн чухал зүйл. Бидний хайрлан хүндэлдэг хүмүүсээс олон жил дамжин ирсэн үнэт үйл ялалт байгууллаа.

Энэхүү сонгуулийн дараа бид Митт Ромнитой хамт Америкийн төлөө хамтран ажиллах болно. Ирэх дөрвөн жил бид илүү аз жаргалтай амьдрах болно гэдгийг батлан тангаргалж байна.

Мөн надтай 20 жилийн өмнө ханилсан энэ эмэгтэй баяр хүргэе. Өнгөрсөн дөрвөн жилийн хугацаанд Америкийн ард түмэн надаас гадна чамд хайртай болсон гэдгийг би гадарлаж байна. Саша болон Малия, үзэсгэлэнтэй, ухаалаг бүсгүйчүүд болох охиддоо мөн баярлалаа.

Мөн миний кампанит ажлын шилдэг багийн нөхдөд баяр хүргэхийг хүсч байна. Тэд шилдэг нь, хамгийн шилдэг нь. Энэ хүмүүстэй хамт би бүхнийг эхнээс нь эхэлсэн.

Одоо америкчууд бид ямар үзэл бодолтой, хаанаас ирснээ үл хамааран хамтран ажиллах хэрэгтэй. Надад итгэж найдаж байсан та нарт баярлалаа. Та бүхэн надад, Аамерик оронд итгэлээ.

Улс төрийн кампанит ажил заримдаа онц хэрэггүй зүйл шиг, улс төрийн ажилтнууд уран үгээр уралдах тэмцээн юм шиг санагддаг байх. Гэхдээ энэ бол их сургуулийн үдэшлэг биш. Энэ бол та бүхний хүсэл мөрөөдлөөс өчүүхэн жижиг хэсгийг ч болов бүгдийг нь нийлүүлсэн тэмцэл юм. Бидний тэмцэл сургуульд орж буй хүүхэд бүр өөрийнхөө боломжийг олж ашиглах тухай тэмцэл юм.

Энэ улс орны төлөө тэмцэж байсан бүх хүмүүст талархаж байна.

Энэхүү сонгууль нь америкчуудийн гүн гүнзгий эх оронч үзлийн илрэл байлаа. Энэхүү сонгуулийн үйл ажиллагаа нь сэтгэл зүрх шаардсан нөсөр их ажил байлаа. Гэхдээ энэ бүхнийг ганцхан өдөр хийх аргагүй. Бид эрх чөлөөгөө хэрэгжүүлэх ёстой. Одоо америкчууд бидний аль хэдийн эдэлж байгаа сонгох, сонгогдох эрхийг эдлэхийн төлөө зарим орны ард иргэд амь насаа дэнчин тавьж байна.

Бидний ихэнх нь Америкийн ирээдүйд итгэдэг. Америкийн хүүхдүүд хамгийн сайн сургуульд сурч, шинийг сэдэж, сайн ажлын байранд ажиллах ёстой. Америк эмэгтэйчүүд тэгш эрхийг эдлэх ёстой. Америк улс аюулгүй байдалд байх ёстой. Америк гэдэг дэлхийн сайхан улсын дэлхийн хамгийн хүчирхэг цэргийн мужууд хамгаалах ёстой. Гэхдээ тэд энгийн үед ч гэсэн энх тайвныг хамгаалж байв. Америк бол хүлцэнгүй өгөөмөр орон. Америкийн сургуульд бүх шашин үзэл сурталтай ард түмний хүүхдүүд сурч байна. Чиикаго хотын хүүхэд өөрийнхөө гудамжинд янз бүрийн үндэстэн ястны хүүхдүүдийг харах боломжтой байдаг. Тэр бүх хүүхдүүд сайн ажилтан, дипломатч, ерөнхийлөгч хүртэл болох боломжтой гэдгийг харах ёстой.  Бид үнэт зүйлсээ хадгалж чадвал сайхан баых болно. Үүнийг хамгаалхын тулд хатуу тэмцэх ёстой. Гэхдээ тэмцлийн зам шулуун дардан байхгүй. Ардчилал гэдэл бол нэгдсэн нэгдмэл үзэл санааг олох явдал юм. Хэдэн жил үргэлжилсэн дайны эрин үе дууссан.

Би та бүхнийг сонсч байх болно. Би та нарын үийгг сонсч байсан тулдаа л ернхийлөгч болсон. Би Цагаан ордонд очоод дараагийн дөрвөн жилийг та бүхний хүсэл эрмэлзлийг биелүүлэхийн төлөө ажиллах болно.

Сонголт бол улс төр биш, ард түмний хүсэл юм. Энэхүү хүсэл сонголтыг бий болголоо. Та бүхний ажилтай болох хүсэл энэ сонголтыг хийсэн. Бид олон асуудлыг давж гарсан. Одоо энэ замаараа тууштай яах ёстой. Энэ нь та бүхэн бас ажиллах ёстой гэсэн үг юм.

Америкийн мөн чанар бол америк хүн болгон бусдынхаа төлөө ажиллахад оршино. Энэ улс гүрэн дэлхийн бусад ямар ч улс оронтой найрамдалт харилцаатай байхын төлөө тэмцэнэ. Манай их сургуулиуд, хотууд ч мөн дэлхийн нэг хэсэг билээ.

Бид бие биеийнхээ өмнө ямар нэгэн үүрэг хариуцлага хүлээх, үнэт зүйлсийг хадагалахын төлөө тэмцсэн цагт америк орон цаашид хөгжсөөр байх болно. Америкийг ардчилал, үнэт зүйл, эрх чөлөө, эрх оронч үзэл ардчилсан улс болгосон юм. Би өнөө орой хүсэл мөрөөдлөөр дүүрэн байна. Өнөөдөр би өөрийнхөө гэр бүлийн бизнесийг хүнд байдалд оруулсан хүмүүсийн төлөө, ажилгүй хүмүүсийг ажилтай болгохын төлөө ажиллах болно. Нью Жерси болон Нью-Йорк хотын байгалийн гамшигт өртсөн ард түмэнд туслахын тулд америкчууд хатмран амжиллах болно.

Бүхнээ алдсан нэгэн эцэг охиндоо америкт улс төр байгаа цагт айх хэрэггүй гэж хэлж байсан гэдэг. Америкийн ард түмэн энэ үгийг баталгаажуулж байна. Учир нь бид тэр охиныг өөрийн гэр бүлийн гишүүн шиг үзэж байгаа юм. Өнөө орой бид туулан өнгөрүүлсэн бүх хүнд бэрх зүйлээсээ ирээдүйдээ улам бат итгэх итгэлийг олж байна. Америк оронд улам бат итгэсээр байна. Бид итгэл найдвар, өөдрөг сэтгэлийг өвөртөлж явна. Бидний хөгжлийн замд таарч буй бүхий л саад бэрхшээлийг бид даван туулах болно. Аливаа саад бэрхшээл физик бэрхшээлээс илүү бидний толгойд байгаа үл итгэх эргэлзээ юм. Түүнийг бид арилгаж чадвал ямар ч бэрхшээлийг давж чадна. Би Америкийн дундаж давхаргын иргэдийн амьдралыг илүү аюулгүй болгоно. Та Америкийн иргэн бол америк орны төлөө бүхий л сайн сайхан зүйлийг хийх ёстой. Америк дэлхийн хамгийн сайхан орон байх ёстой.

Бид хувь хүн бүхний хүсэл мөрөөдлийг харж байна. Цагаан ордон бол хүйтэн тархитай хүмүүсийн цуглуулга биш. Бид та бүхний төлөө ажиллах болно. Америк орныг бурхан ивээг" хэмээн хэллээ.