Уулзалтын үеэр УИХ-ын гишүүн, Бүлгийн дэд дарга О.Баасанхүү 21 аймгийг дуранжуулсан мэс заслын аппаратаар хангах, мөн сургалт явуулж ажиллах хүчнийг бэлтгэх, мөн эмчийн бичсэн эмийг шууд авчихдаг байхын тулд эмнэлгүүдэд эмийн төв байгуулах. Учир нь гадуур зарим эмийн санд мэргэжлийн бус хүн ажилладаг, өвчтөн эм авахаар очиход алийг нь авахыг өвчтөнөөс асууж эмийг сонгуулдаг гэдгийг дурдаад, Монгол Улсад эмийн салбар төрийн зохицуулалтгүйгээр хөгжихгүй гэдгийг хэллээ. Түүнчлэн төрийн тусгай албан хаагчийн эмнэлгийн барилгын ажилд ЭМЯ анхаараасай гэж хүсэж байгаагаа тэрбээр хэлсэн юм.
УИХ-ын гишүүн, УИХ-ын дэд дарга Л.Цог гадны хөрөнгөөр барьж буй эмнэлгүүдэд орох орлого гадагшаа явчих юм биш байгаа гэдгийг анхааруулахын зэрэгцээ Монгол хүнийг ил, далд аргаар их судалж байна, Монгол хүний генийг хамгаалах нь чухал. Мөн хууль бол бодлого энэхүү бодлогыг зөв зүйтэй гаргахын тулд мэргэжлийн хүмүүс нарийн зүйлийг хэлж байх хэрэгтэй гэв.
УИХ-ын гишүүн, УИХ-ын Нийгмийн бодлого, боловсрол, соёл, шинжлэх ухааны байнгын хорооны дарга З.Баянсэлэнгэ иргэдэд зөв ойлголт хүргэх үүднээс чөмөг шилжүүлэн суулгахад зарцуулагдах 2 тэрбум төгрөгийг батлах асуудал Байнгын хороонд дэмжигдсэн, харин төсөв дээр унасан гэдгийг хэллээ.

Уулзалтын үеэр УИХ-ын гишүүн, Бүлгийн дэд дарга О.Баасанхүү 21 аймгийг дуранжуулсан мэс заслын аппаратаар хангах, мөн сургалт явуулж ажиллах хүчнийг бэлтгэх, мөн эмчийн бичсэн эмийг шууд авчихдаг байхын тулд эмнэлгүүдэд эмийн төв байгуулах. Учир нь гадуур зарим эмийн санд мэргэжлийн бус хүн ажилладаг, өвчтөн эм авахаар очиход алийг нь авахыг өвчтөнөөс асууж эмийг сонгуулдаг гэдгийг дурдаад, Монгол Улсад эмийн салбар төрийн зохицуулалтгүйгээр хөгжихгүй гэдгийг хэллээ. Түүнчлэн төрийн тусгай албан хаагчийн эмнэлгийн барилгын ажилд ЭМЯ анхаараасай гэж хүсэж байгаагаа тэрбээр хэлсэн юм.
УИХ-ын гишүүн, УИХ-ын дэд дарга Л.Цог гадны хөрөнгөөр барьж буй эмнэлгүүдэд орох орлого гадагшаа явчих юм биш байгаа гэдгийг анхааруулахын зэрэгцээ Монгол хүнийг ил, далд аргаар их судалж байна, Монгол хүний генийг хамгаалах нь чухал. Мөн хууль бол бодлого энэхүү бодлогыг зөв зүйтэй гаргахын тулд мэргэжлийн хүмүүс нарийн зүйлийг хэлж байх хэрэгтэй гэв.
УИХ-ын гишүүн, УИХ-ын Нийгмийн бодлого, боловсрол, соёл, шинжлэх ухааны байнгын хорооны дарга З.Баянсэлэнгэ иргэдэд зөв ойлголт хүргэх үүднээс чөмөг шилжүүлэн суулгахад зарцуулагдах 2 тэрбум төгрөгийг батлах асуудал Байнгын хороонд дэмжигдсэн, харин төсөв дээр унасан гэдгийг хэллээ.
Сангийн сайд Ч.Улаан эмийг хянах нь зүйтэй, гэхдээ эмийг хэрхэн хянах нь чухал, хэдэн эмийн сангаа шалгаад байвал хэр үр дүнтэй болох, үүний оронд эмийн бус эмчилгээнд анхаарч, ард иргэддээ хүргэж, тус эмчилгээг илүү түлхүү оруулж явах байсан юм биш байгаа гэдэг бодолтой байдгаа хэллээ. Тухайлбал, монголчууд царван түүгээд хоолойгоо зайлчихдаг, таван салааг буцалгаад ходоод гэдсээ эмчилдэг. Европ эмээс ард иргэд аяндаа татгалзах тийм хүмүүжил бий болговол үр дүнтэй гэж боддогоо илэрхийллээ.
УИХ-ын гишүүн, ГХБХ-ны дарга Ц.Цолмон эмийн сэдвийг үргэлжлүүлэн эмийг экспортолдог орныг буюу эх үүсвэрийг нь тодорхой цөөн болгож, хариуцлагыг нь нэмж ажиллаж болох юм гэдгийг хэлэв. ЭМЯ-ны гол зорилт бол эмч нарт анхаарч, эмч нарын хахууль авдаг байдлыг хэрхэх талд анхаарах, харин эмч нар өвчтөнд анхаарч ажиллах нь зүйтэй гэв.
УИХ-ын гишүүн, Мянганы хөгжлийн зорилтууд болон ядуурлыг бууруулах дэд хорооны дарга Г.Уянга эрүүл мэндийн даатгалын санд хэчнээн төгрөг цугладаг, түүнээс хэдийг нь эрүүл мэндийн тусламж, үйлчилгээнд зарцуулагддаг талаар товч тодруулга авч, эрэлтээс давсан олон эмнэлэгтэй, энэ нь хэтэрхий чөлөөтэй буруу системд орсон нь байгааг хэллээ. Түүнчлэн Ч.Улаан сайдай санал нэг байгаагаа илэрхийлээд, угтаж явахгүй бол араас нь яваад гүйцэхгүй гэдгийг тэрбээр хэллээ. Урьдчилан сэргийлэх системийг боловсролтой уялдуулмаар байна, сургуулиудын эрүүл мэндийн хичээлээр юу оруулах тал дээр өөрчлөлт хийх нь зүйтэй, УИХ-ын эмэгтэй гишүүд ч энэ тал дээр ажиллаж болох юм гэсэн саналтай байна.
УИХ-ын гишүүн, Бүлгийн дарга Н.Батцэрэг Монголын нүүдэлчдийн эрүүл мэндийн соёл, бусад өндөр хөгжилтэй орны соёлоос өөр гэдгийг дурдаад Монгол улсад эрүүл мэндийн эрсдэл өндөр, үүнийг дагаад төлбөр өндөр байна гэдгийг хэллээ. Эрүүл мэндийн салбар улс төрийн томоохон шийдвэрүүдээр дамжиж байж хөгжинө. Энэ явцаж салбарын удирдлагууд та бүхэн биднийг мэдээллээр хангаж ажиллавал бид цаг зав гарган анхаарахаа илэрхийллээ.
ЭМЯ-ны Төрийн нарийн бичгийн дарга Ж.Хатанбаатар хэлэхдээ эрүүл мэндийн салбарыг доройтуулаад байгаа гол зүйл бол суурь шинэчлэл гэв. Зарим эмч нар хүний гар харсан байж болно, гэхдээ бүгдийг хамруулж ойлгож болохгүйг дурдаад бусад орнуудад сувилагч болохыг тэмцэж байхад, манайд эмч болчихоод амьдарч чадахгүй байгааг хэллээ. Улс орны гол оршин тогтнохын үндэс бол эрүүл мэнд, боловсрол тиймээс бодлого тогтоож байгаа түвшний та бүхэн энэ тал дээр зөв ойлголттой байхыг хэллээ. Түүнчлэн одоо явж байгаа эрүүл мэндийн тогтолцоонд болохгүй юм байхгүй, суурийг нь л жаахан өөрчлөхөд болно гэв.