Онцгой байдлын асуудал эрхэлсэн байгууллагын үйл ажиллагааг сурталчлах, албан хаагчдын мэргэжлийн онцлог, тэдний амьдралыг харуулсан "Хайрлаагүй амь" уран сайхны киноны уран бүтээлчдийг Онцгой байдлын дарга, онцгой байдлын хурандаа Т.Дуламдорж хүлээн авч уулзлаа.
Киноны уран бүтээлчид "Хайрлаагүй амь" уран сайхны киног Онцгой байдлын албанд албан ёсоор хүлээлгэн өгсөн юм.  Дашрамд сонирхуулахад онцгой байдлын албаны үйл ажиллагааг харуулсан олон ангит кино хийх санаачлагыг Монгол Улсын Шадар сайд гаргасан бөгөөд киноны ажлыг шуурхай эхлүүлэхээр төлөвлөөд байна.