Палестины удирдагч асан Ясир Арафатыг 2004 онд нас барсан нь полони гэх бодист хордсонтой холбоотой гэсэн мэдээлэл гарч шуугиан тарьсан. Тэгвэл өнөөдөр түүний булшийг хөндөж, хувийн эд зүйл болон цогцост нь полонид хордсон эсэх шинжилгээ хийж эхэллээ. Түүнийг Оросын талынхан хордуулсан гэх хар тараад байсан учир энэ ажилд Франц, Швейцараас гадна Оросын эрдэмтэд оролцож байгаа аж. Энэ шинжилгээ сар гаруй хугацаанд үргэлжлэх бөгөөд дараа нь Ясир Арафатын цогцсыг шатааж, хүндэтгэлийн ёслол үйлдэхээр төлөвлөжээ.

   Ясир Арафатын амьдралын сүүлийн хоногууддаа хэрэглэж байсан эд зүйлийг түүний бэлбэсэн эхнэр “Аль-Жазира” телевизид өгсөн байсныг Швейцарын  Лозанна хотын радиофизикийн хүрээлэнд шинжлүүлсээр полони бодис илэрчээ. Шүдний сойз, түлхүүрийн оосор, алчуур зэрэг зарим эд зүйлсээс нь хяналтын шинжилгээний дээжээс 10 дахин их цацрагт бодис илэрсэн хэмээн хүрээлэнгийн захирал мэдэгдсэн юм. Тиймээс Палестины эрх баригчдаас Ясир Арафатын цогцост шинжилгээ хийхийг олон нийт шаардсан. Үүний дагуу эрх баригчид тусгай комисс байгуулсан бөгөөд Швейцарын аль нэг лабораторид шинжлүүлэхээр болсон юм.