БАРИМТ 1
С.Цэрэнчимэд 1995 онд Хэнтий аймагт төрсөн.
БАРИМТ 2
2013 онд нийслэлийн БЗД-ийн 92 дугаар дунд сургуулийг төгссөн.
БАРИМТ 3
Тэрбээр 2006 оноос эхлэн чөлөөт бөхөд шимтэж, "Алдар" спорт хорооны дасгалжуулагч Ц.Хосбаярын удирдлага дор хичээллэдэг байжээ.
БАРИМТ 4
2013 онд сургуулиа төгсөж, улмаар их аварга Асашёорюү Д.Дагвадоржийн дэмжлэгээр Японы Окиямагийн их сургуульд суралцаж байв.
БАРИМТ 5
Тэрбээр 2013 онд залуучуудын дэлхийн аварга болж байсан.
БАРИМТ 6
Дараа жил нь 2014 онд 19-хөн насандаа "Ташкент-2014” ДАШТ-д аваргалж, Монголын чөлөөт бөхийн түүхэн дэх 48 дахь буюу тав дахь алтан медалийг эх орондоо авчирсан юм.
БАРИМТ 7
2015 оны “Ласвегас-2015” дэлхийн аварга шалгаруулах тэмцээний мөнгөн медальтай. “Сомбатхей-2011” өсвөр үеийн ДАШТ-ээс хүрэл медальтай.
БАРИМТ 8
Тэрбээр мөн 2018 онд Румын улсад болсонд 23 хүртэлх насны ДАШТ-ээс хүрэл медаль хүртэж байсан билээ. Ингэснээр тэр дөрвөн ангилалд ДАШТ-ээс медаль хүртсэн түүхэн амжилтын эзэн юм.
БАРИМТ 9
Алдарт бөх Иван Ярыгины нэрэмжит тэмцээнээс тэр 2014 мөнгө, 2016 онд хүрэл, 2019 онд алтан медаль хүртсэн.
БАРИМТ 10
Тэр чөлөөт цагаараа байгалийн сайханд аялах дуртай.
БАРИМТ 11
Эмч болох мөрөөдөлтэй байсан тэрбээр мөрөөдлөө орхихыг хүсдэггүй.
БАРИМТ 12
ХААИС-д маркетингийн чиглэлээр суралцсан.
БАРИМТ 13
Түүний хань ОУХМ С.Билгүүн юм. Хосууд 2017 онд үрийн зулай үнэрлэсэн.
БАРИМТ 14
2014 онд МУГТ цолоор энгэрээ мялаасан.
БАРИМТ 15
Тэрбээр ААШТ-ээс 2011 онд Ташкентэд, 2014 онд Астанад 2019 онд БНХАУ-ын Си-Ань хотоос хүрэл медаль хүртэж байв.
Сэтгэгдэл (3)