МАХН-ын дарга Н.Энхбаяр нарын Улсын дээд шүүхэд гаргасан гомдлыг энэ сарын 7-нд буюу ирэх баасан гаригт хэлэлцэнэ. Түүнд Сүхбаатар дүүргийн шүүхээс дөрвөн жилийн хорих ял оноож, Нийслэлийн шүүхээс тус ялыг хэвээр баталсан юм. Тиймээс тэрээр хоёр шатны шүүхийн шийдвэрийг эсэргүүцэн, Улсын дээд шүүхийн хяналтын шатны шүүхэд хандсан билээ.
    МАХН-ын дарга Н.Энхбаяр нарын Улсын дээд шүүхэд гаргасан гомдлыг энэ сарын 7-нд буюу ирэх баасан гаригт хэлэлцэнэ. Түүнд Сүхбаатар дүүргийн шүүхээс дөрвөн жилийн хорих ял оноож, Нийслэлийн шүүхээс тус ялыг хэвээр баталсан юм. Тиймээс тэрээр хоёр шатны шүүхийн шийдвэрийг эсэргүүцэн, Улсын дээд шүүхийн хяналтын шатны шүүхэд хандсан билээ.

    Харин тэрээр өдгөө биеийн байдал муу гэх шалтгаанаар Сайд нарын хоёрдугаар эмнэлэгт хэвтэн эмчлүүлж байгаа юм. Гэвч ямар өвчин туссан онош нь өнөөдрийг хүртэл тодорхойгүй. Өнгөрсөн дөрөвдүгээр сарын 13-нд хуулийнхан түүнийг баривчлан, Төв аймгийн хориход хорьсон. Улмаар цагдан хорих 461 дүгээр ангид шилжүүлсний дараа тэрээр арав гаруй хоног хуурай өлсгөлөн зарласан юм. Ингэснээр түүний бие эрс муудаж, Сайд нарын хоёрдугаар эмнэлэгт эмчилгээ хийлгэн тэнхэрсэн билээ.

    Өнгөрсөн наймдугаар сарын 2-нд Сүхбаатар дүүргийн шүүхээс ял сонсож, 15 хоног цагдан хорих төвд хоригдож, тус сарын 17-ноос хойш биеийн байдал муу гэх шалтгаанаар Сайд нарын хоёрдугаар эмнэлэгт эмчлүүлж байгаа. Бүтэн дөрвөн сарын хугацаанд эмнэлэгт хэвтэн эмчлүүлж буй түүнийг дөрвөн жилийн ялаа хорих эмнэлэгт өнгөрөөх нь хэмээн иргэд хардаж байсан. Харин үүнд МАХН-ын дарга Н.Энхбаяр “Би биеийн байдлаас шалтгаалан ялаас яасан ч чөлөөлөгдөхгүй. Харин Улсын дээд шүүхээс миний хэргийг цагаатгаж, хэрэгсэхгүй болгосон цагт л суллагдана” хэмээн албан ёсоор мэдэгдсэн юм.

    Тиймдээ ч ирэх баасан гаригт гарах Улсын дээд шүүхийн шийдвэрээс ихээхэн зүйл хамаарахаар болжээ. Нэгэнт биеийн байдлаас шалтгаалан ялаас мултрахгүй хэмээн мэдэгдсэн МАХН-ын дарга Н.Энхбаярт дээд шүүхийн шийдвэр маш чухал болоод байгаа юм. Тиймдээ ч тэрээр ойр дотныхондоо “Улсын дээд шүүхээс миний ялыг хэвээр баталвал дахин өлсгөлөн зарлана. Муу амьд явахаар, сайн үх” хэмээн ярьсан талаар баттай эх сурвалж мэдээлэв.

    Тэгэхээр дээд шүүхээс түүний ялыг хэвээр баталвал тэрээр дахин өлсгөлөн зарлах юм байна. Өмнө нь арав гаруй хоног хуурай өлсгөлөн зарлаж, амь нас нь дээсэн дөрөөнд очоод байсан МАХН-ын дарга Н.Энхбаяр дахин амь насаараа дэнчин тавихаар шийджээ.

    Өмнө нь өлсгөлөн зарлаж, биеийн байдал нь эрс муудахад монголд байхгүй эмгэг туссан хэмээн Эрүүл мэндийн сайд Н.Удвал мэдэгдэж байсан. Гэтэл дахин өлсгөлөн зарлахаар төлөвлөөд байна.

    Юутай ч ирэх баасан гаригт гарах Улсын дээд шүүхийн шийдвэрээс хамааран Н.Энхбаярын өлсгөлөн зарлах эсэх шийдэгдэнэ. Хэрвээ өлсгөлөн зарлахаар болвол нойтон өлсгөлөн үү, хуурай өлсгөлөн үү гэдэг нь тодорхой болно. Хэрвээ хуурай өлсгөлөн зарлавал түүний амь нас дахин дээсэн дөрөөнд...