Нийслэлийн төсвийн хөрөнгө оруулалтаар Баянзүрх дүүргийн 19 дүгээр хороонд 240 хүүхдийн ортой цэцэрлэг барьж буй. Өнөөдрийн байдлаар барилга угсралтын ажил 85 хувьтай үргэлжилж байна. Тус цэцэрлэг нь 2105 мкв талбай бүхий 2 давхар барилга юм. Дотор засал болон гадна тохижилтыг хийж байна. Тус цэцэрлэгийг энэ онд ашиглалтад оруулна. Гүйцэтгэгчээр "ДИ БИ ТИ БИ" ХХК ажиллаж байна.