УИХ дахь эмэгтэй гишүүдийн албан бус бүлэг ойрын өдрүүдэд хийх ажил ихтэй байгаагаа өнөөдөр мэдээллээ. УИХ-ын гишүүн Л.Эрдэнэчимэг, Г.Уянга нар ил задгай, дээвэргүй захуудаар явж тэнд ажиллаж байгаа эмэгтэйчүүдийн ажиллах нөхцөл, ажлын байртай танилцах аж.
Тэгвэл УИХ-ын гишүүн Ц.Оюунгэрэл маргааш “Хоёрдогч түүхий эдээр хөдөлмөр эрхлэгчдийн эрхзүйн орчин ба хот, хөдөөгийн хогийн савны шинэчлэл” сэдэвт чуулга уулзалт зохион байгуулахаар болсон байна.
Мөн эмэгтэй гишүүд УИХ-ын гишүүн, Боловсрол, шинжлэх ухааны сайд Л.Гантөмөрийн санаачилгаар хэрэгжүүлэх “Хүүхэд харах үйлчилгээ”-г дэмжиж ажиллахаар болжээ. Эмэгтэй гишүүдийн зүгээс дээрх хуулийн төслийг санаачилж, өргөн барих юм байна.