2012 оны 12 дугаар сарын 21-ний өдөр дэлхий сөнөх талаарх яриа сүүлийн үед хамгийн их хөндөгдөх болсон глобаль сэдэв боллоо. Монгол хийгээд дэлхийн алдартнууд 12 сарын 21 нэгний өдөр дэлхий сөнөнө гэдэгт итгэж байгаа эсэх талаар хүргэе.

    2012 оны 12 дугаар сарын 21-ний өдөр дэлхий сөнөх талаарх яриа сүүлийн үед хамгийн их хөндөгдөх болсон глобаль сэдэв боллоо. Монгол хийгээд дэлхийн алдартнууд 12 сарын 21 нэгний өдөр дэлхий сөнөнө гэдэгт итгэж байгаа эсэх талаар хүргэе.
Алдартнууд юу гэж хэлэв?

Дэлхийд:

    НАСА: “Гал тогооныхоо хананд өлгөсөн калегдарь чинь 12 сарын 31 гэдээ дуусахад дэлхий сөнөдөггүй. Майяачуудын урт тоолол 2012 оны 12 сарын 21-нд дуусчээ. Гэхдээ таны тоолол маргааш нь нэг сарын нэгэн гээд л эхлэх болно. Дэлхий 2012 онд сөнөхгүй. Манай гараг дөрвөн тэрбум жилийн турш сүйрэлгүй байсаар л байна. Дэлхийн алдартай эрдэмтэд ч энэ тал дээр бидэнтэй санад нэг байна” хэмээн мэдэгджээ.

    Австралийн ерөнхий сайд Жулия Гиллард: “Хүмүүсийг идэх зомби, чөтгөр шулам эсвэл Солонгосын поп од дэлхийг эзэлсэн ч би төгсгөл хүртэл нь тэмцсээр л байх болно” хэмээн хошигоножээ.

    Реппер Лил Уэйнь: Тэрбээр “Blender” сэтгүүлд дэлхий сөнөхөд итгэж буй талаараа “Майяачуудын тоолол 2012 онд төгссөн тул дэлхий сөнөх талаар ярьж байна. Би энэ талаарх нэвтэрхий толийг уншсан. Бидний мэдэж байгаагаар ч дэлхий сөнөж байна. Террористууд ихэр цамхгийг мөргөж, хорт шумуулнууд хүмүүст халдварт өвчин тарааж, хар арьстан ерөнхийлөгч болж, Каннибас гэх бас нэгэн реппер гарч ирж, бүр “Beyond 2012” гэх цомог гаргалаа шүү дээ”.


    Жүжигчийн Ширлэй МакЛэйн 2012 онд дэлхий сөнөнө гэдэгдт итгэдэг тухайгаа хамгийн олон удаа нийтэд дэлгэсэн алдартан юм.

    “2012” киноны Вүүди Харрелсон: “Хүмүүс намайг “2012” киног бүтээлцсэн болохоор дандаа энэ талаар асуудаг. Би тэдэнд нэг л хариулт өгдөг. 2012 онд дэлхий сөнөх явц илрээд л байгаа, ялангуяа экологийн хувьд бидэнд маш ил тод харагдаж байна”.

    Найруулагч Мель Гибсон: Майяачуудын эзэнт гүрний тухай “Apocolypto”хэмээх киног бүтээсэн энэ эрхэм “Би аливааг урьдчилан хардаг зөнч биш. Гэхдээ Майяачуудийн тоолол 2012 онд төгсч” хэмээн “US Magazine”-д ярьжээ.

    Жүжигчин Том Круз: Колорадо дахь харшийнхаа дор 10 сая ам.доллараар бариулсан хоргодох байрныхаа талаар “Хамгаалалт маш сайн баригдсан бөгөөд агаар цэвэршүүлэх өндөр технологитой, 10 хүний өрөөтэй, хангалттай их хэмжээний хоол хүнс, багаж зэвсэг хадгалах, сүйрлийн үеэр амьд үлдэж олон жил амьдрах боломжтой” хэмээн тодорхойлжээ.


    Аштон Катчер: “Би өөрийгөө болон гэр бүлээ аюулгүй байлгахад хангалттай бэлдэх болно” хэмээн “Men’s Fotness” сэтгүүлд ярьжээ.

Монголд:

    “Мамба дацан” хийдийн тэргүүн хамба  Д.Нацагдорж: “Одон зурхайн үүднээс авч үзвэл манай гариг ертөнц таван махбодиос үүссэн гэж үздэг. Шороо, ус, гал, хий, огторгуй гэсэн таван махбодиос бүрэлддэг гэж авч үздэг юм. Одоо бидний амьдарч байгаа энэ үе сайн галав. Тэр утгаар нь аваад үзвэл ойрын үед бидний дэлхий сөнөх, мөхөх эвдрэл жам байхгүй.  Бидний дэлхий эвдэрлээ гэж үзэхэд галаар эвдрэх зүй тогтолтой байдаг. Галаар эвдрэх тохиолдолд ертөнцөд долоон нар мандана гэж зөгнөсөн байдаг. Орчин цагийн хэллэгээр аваад үзэх юм бол озоны давхарга долоон хэсэг газар нимгэрэх юм уу, нарны илч ямар нэг байдлаар улам нэмэгдэхийг тооцоолсон хэрэг. Одоогоор озоны давхарга цоорч, нарны илч нэмэгдээгүй байхад дэлхий сөнөх талаар ярина гэдэг дэмий хэрэг”.

“Орифлэйм”-ийн захирал Г.Оюунгэрэл:
“Далай тэнгисийн ус 90 хэм босч ирээд хуурай газар руу асгарна. Энэ Япон, Гонконг, Сингапур алга болно. Европт л гээд байгаа юм, их хүйтэн мөсөн тив үүснэ.
-80 цаг харанхуй нөмөрнө. Цахилгаан, холбоо, гар утас, тээвэр юу ч ажиллахгүй. Соронзон туйл өөрчлөгдөхөөр наадуул чинь ажиллахгүй. Бас од гарагийн парад болно.
-Дэлхийн соронзон туйл өөрчлөгдөж, асар их радиаци буюу цацраг идэвхт шуурга болно. Дэлхий зүүн тийшээ хазайгаад байгаа шдээ. Барилгын кранууд тэгэхээр баруун тийшээ ойчих юм. Энэ өндөр крануудаа миний үгэнд ороод хэд хоног буулгаач ээ.
-Монголын ард түмний өмнө хариуцлага хүлээдэг албан тушаал, эрх мэдэлтэй хүн нь “Оюунгэрэл ээ, би энэ улс, ард түмнийг 12 сарын 21-нд аваад орно, хариуцлагаа үүрнэ” гэвэл би болино.
-Би хувьдаа бэлтгэлээ базаачихсаан. Англи, Австралид байдаг ах дүүгээ дуудчихсан байгаа. Гэр мэрээ авчихсан”.