БАРИМТ 1
Кадирбекийн Ёолк 2000 оны 12 дугаар сарын 30-нд Баян-Өлгий аймагт төржээ.
БАРИМТ 2
Тэрбээр жүдо бөхөөр 13 настайгаасаа хичээллэж эхэлсэн. Тухайн үед найзыгаа дагаж орон нутгийн бэлтгэлд очсоноор жүдо бөхийн спорттой холбогджээ.
БАРИМТ 3
Анхны жүдогийн хувцсаа орон нутагт зохион байгуулагдсан жүдо хөгжүүлэх үйл ажиллагааны үеэр авч байсан аж.
БАРИМТ 4
Тэрбээр өмнө нь 60 кг-ын жинд барилддаг байсан. Харин одоо 66 кг-ын жинд өрсөлдөж, Азийн наадмаас алтан медаль хүртсэн. Финалд Узбекистаны Абдурахим Нутфуллоевыг иппоноор ялсан.
БАРИМТ 5
К.Ёолк Азийн наадмын жүдо бөхөөр алтан медаль хүртсэн Монголын найм дахь жүдоч болсон.
БАРИМТ 6
Мөн Айчи-Нагоя 2026 наадмаас Монголын багийн анхны алтан медалийг авч, Монголын Азийн наадмын нийт 27 дахь алтан медалийн эзэн болсон байна.
БАРИМТ 7
К.Ёолк өнгөрсөн жил буюу 2025 оны ДАШТ-ээс хүрэл медаль хүртсэн. Энэ нь түүний олон улсын дээд түвшний амжилтуудын нэг юм.
БАРИМТ 8
Харин 2026 оны Улаанбаатарын Их дуулгад 5 дугаар байр эзэлсэн, мөн энэ жилийн Азийн жүдо бөхийн аварга шалгаруулах тэмцээнд 7 дугаар байр эзэлсэн байна.
БАРИМТ 9
Түүний анхны багш нь спортын мастер Д.Балжинням. Тэрбээр Дархан-Уул аймгийн 1-р дунд сургуульд багшилдаг бөгөөд Ёолкийг 2009 оноос хойш дасгалжуулж ирсэн байна.
БАРИМТ 10
Тэрбээр самбо бөхөөр ч мөн өндөр амжилт үзүүлсэн. Тухайлбал, Өсвөр үеийн дэлхийн аварга шалгаруулах тэмцээнээс хүрэл медаль, насанд хүрэгчдийн Монголын аварга шалгаруулах тэмцээнээс алт, хоёр хүрэл медаль хүртэж байжээ.
