Ахмад үеийнхэн Салдан сайдын охин гэдгээр, дунд үеийнхэн "Сентоза"-гийн бизнесмен гэдгээр, залуучууд имиж сайтай УИХ-ын гишүүн гэдгээр нь С.Одонтуяаг мэднэ. 2012 оны парламентад орж ирсэн хүүхнүүдийн армийн нэг өнгө төрх болсон С.Одонтуяа гишүүний фото түүхтэй танилцана уу.
Салдангийн. Түүний аав социализмийн үед элчин сайд, гадаад харилцаа хариуцсан даргаас эхлээд олон ажил хийж явжээ. Салдан гуай Дархан, Эрдэнэт хот, Улаанбаатарын Улсын цирк, Хүүхдийн ордонг барихад гар бие оролцож байжээ. Аавынх нь нэр хүнд түүнийг олны хараанд өртөхөд багаггүй нэмэр болсон. Улаанбаатарын уугуул Одонтуяа охин Архангайн Салдан аав, Завханы ээж Чимэддолгортойгоо.
"Битлз"-тэй зэрэг. Тэрбээр 1964 онд "Битлз" хамтлагийг ид мандаж
байх үед төрсөн гэж ярих дуртай. Багаасаа л зураг авахуулах авъяастай
хүүхэд байж.
Ю.Цэдэнбал даргад: Сургуульд байхад нь Л.И.Брежневийг Монголд айлчлах үеэр түүнд цэцэг өгөх хүүхдийг сонгоход Одонтуяа охин шалгараад их л хичээж бэлджээ. Гэтэл урьд шөнө нь халуураад ёслолд оролцож чадахгүй болсонд өөртөө гомдон уйлж байж. Харин энэ охин дараа жилийн Октябрийн баяраар Ю.Цэдэнбал гуайд цэцэг өгч байсан гэнэ.
Улаан. Нэгдүгээр сургуулийн улаан галстуктай онц сурлагатан. Гимнастик, төгөлдөр хуурын дугуйланд явангаа бүлгэмийн зөвлөлийн сонгуульт ажил хийдэг байв. Ирээдүйн ханьтайгаа нэг сургуульд, нэг ангид сурч байгаагаа мэдээгүй явсан үе.
Хөгжимчин: Хичээлийнхээ хажуугаар сурдаг байсан төгөлдөр хуур нь одоо түүний хобби болсон.
Хобби. Хүүхэлдэй цуглуулах нь түүний хобби. 400 гаруй хүүхэлдэйн цуглуулгаараа хэзээ нэгэн цагт үзэсгэлэн гаргах төлөвлөгөөтэй.
20 гаруй жилийн дараа ч хоббигоо үргэлжлүүлсээр.
Улаан. Нэгдүгээр сургуулийн улаан галстуктай онц сурлагатан. Гимнастик, төгөлдөр хуурын дугуйланд явангаа бүлгэмийн зөвлөлийн сонгуульт ажил хийдэг байв. Ирээдүйн ханьтайгаа нэг сургуульд, нэг ангид сурч байгаагаа мэдээгүй явсан үе.
Хөгжимчин: Хичээлийнхээ хажуугаар сурдаг байсан төгөлдөр хуур нь одоо түүний хобби болсон.
Залуухан эдийн засагч бүсгүй. Санктпетербургт олон улсын эдийн засагч мэргэжил эзэмшсэн. Хожмын оны шилдэг эдийн засагч. Харвардын профессор Н.Грегори Мэнкьюгийн онолыг тулгуур болгодог.
Хобби. Хүүхэлдэй цуглуулах нь түүний хобби. 400 гаруй хүүхэлдэйн цуглуулгаараа хэзээ нэгэн цагт үзэсгэлэн гаргах төлөвлөгөөтэй.
20 гаруй жилийн дараа ч хоббигоо үргэлжлүүлсээр.
Ангийн хүүхдээ авч суусан нь. Дунд ангиасаа хамт сурч, дараа нь эдийн засагч мэргэжлээр ОХУ-д хамт сурч байжээ. Нэг удаа ангийн зугаалгаар явахдаа Одонутуяа гэрийн түлхүүрээ гээсэн байж. Ангийхнаасаа тусламж гуйхад Г.Өлзийбүрэн гэдэг хүү хамт явж хайлцаж байсан гэнэ. Хожим "Сентоза" төвийг цуг байгуулж бизнест зэрэг хөл тавьсан гэдэг. Тэд одоо хүү, охин хоёртой. Өлзийбүрэн нь АН-ын ҮЗХ-ы гишүүн бөгөөд өмнө нь Нийслэлийн МАХН-ын хорооны дэд даргаар ажиллаж байсан юм. Харин одоо баахан хэл ам дунд Газрын тосны газрын даргын үүргийг түр орлон гүйцэтгэгчээр ажиллаж байна.
Гэр бүл. Хүү нь Австрид дунд сургуулиа, Бээжинд их сургуулиа төгсөөд компанийнхаа ажлыг хийж байна. Бага охин нь дунд сургуулийн сурагч.
Гэр бүл. Хүү нь Австрид дунд сургуулиа, Бээжинд их сургуулиа төгсөөд компанийнхаа ажлыг хийж байна. Бага охин нь дунд сургуулийн сурагч.
Ховардтай пи-ар. Тэрбээр 2012 оны УИХ-ын сонгуулийн өмнө "Иргэн та баялаг" сангийн журмаар "NBA"-ын шилдэг тамирчин Дувайт Ховардыг Монголд авчирч багагүй пи-ар хийгээд авсан. "Би Чикагод NBA –ийн тоглолт үзэж байхад..." гэж хэвлэлд ярьсныг бодоход өөрөө ч бас энэ спортод дуртай бололтой.
Ерөнхийлөгч: 2001 он, JCI- Монголын үндэсний ерөнхийлөгч.
Ерөнхийлөгч: 2001 он, JCI- Монголын үндэсний ерөнхийлөгч.
Бизнесээс улс төр рүү. С.Одонтуяа 2008 онд Баянгол дүүрэгт АН-аас өрсөлдсөн ч түүний оронд Х.Тэмүүжин гишүүн болж байв. Тухайн үед сонгуулийн сурталчилгаанд их хэмжээний мөнгө цацсан ч даагаа нэхэн 2012 оны парламентын олон хүүхнүүдийн нэг болсон. АН-ын ҮЗХ-ны гишүүн, УИХ-дахь АН-ын бүлгийн дэд дарга.
Имиж: Үнэндээ тэр цөөн дуугардаг гишүүдийн нэг. Тэрбээр бусад эмэгтэй гишүүдтэй хамт олон хуульд хувь нэмрээ оруулж байна. Гэсэн ч түүнийг ямар улс төрч вэ гэхээс илүү ямар имижтэй вэ гэдэг нь хүмүүсийн анхаарлын төвд байсан хэвээр.
Гоёл. УИХ-ын гишүүн болсон ч түүнийг очсон газар бүрт нь юу өмсч, ямар гоёл зүүж вэ гэж хамгийн түрүүнд сонжих нь бий. Тэрбээр ихэнхидээ сувдан эдлэлээр гоёдог. Нэг эгч нь Кенид НҮБ-ын ажилтан, нөгөө нь Австралид амьдардаг учраас монголчуудын дунд тэр болгон харагддаггүй содон гоёл явуулдаг гэнэ.
Бас нэг хобби. С.Одонтуяа Маргарет Тиччер, Ангела Маркель зэрэг дэлхийн алдартай улс төрч эмэгтэйчүүдтэй нэг хоббитой. Энэ нь энгэрийн гоёмсог зүүлт цуглуулах.
Зах дээр. Дандаа чамин хувцастай зурагчдын дуранд өртдөг тэрбээр эмэгтэй гишүүдийн хамт захаар явж байна. Мэдээж тэр хувцас худалдаж авах гээгүй, иргэдийн ажилтай танилцаж явна.
Спортлог: Тэр сайхан харагддаг нууцаа спорт, зөв хооллолт гэжээ. Салдангийн Одонтуяа эмэгтэйчүүдэд зөвлөж байна: "Намар болохоор би зэрлэг жимсихээр аваад нэг удаагийн цаасан аяганд хийгээд хөлдөөчихдөг. Орой болгон цаасан аягаа ураад жимсээ найруулж уудаг. Зундаа нэг удаа гүзээн дотор хонины толгой бүтнээр нь хийгээд битүү чанаж уураар нь утаж хөлрөөд, шөлийг нь уухад эмэгтэй хүнд байгаа бүх ядаргаа арилдаг".
24tsag.mn
Сэтгэгдэл (80)