Харьд шаналж зовсон монгол бүсгүйн эх орондоо харихыг хүсч буй бичлэг "Youtube"-д тавигдсан нь хэвлэл мэдээллийн анхаарлыг татав. Энэ бүсгүйг Сумьяагийн Энхмаа гэдэг. Орчуулагч мэргэжилтэй, хоёр хүү, өвчтэй ээжийнхээ хамт амьдардаг байсан тэрээр амьдралаа дээшлүүлэхийн тулд африк гаралтай Америк иргэнтэй гэрлэжээ. Улмаар Африкт хамт амьдарч байх явцдаа хоёр охин гаргасан бөгөөд их л дарамтанд байсан тухайгаа тэрээр олон нийтэд дэлгэсэн. Нөхөртөө дөрвөн жил дарамтлуулсан бүсгүйд  хөршүүд нь тасалбар авахад нь тусалж тэрээр ийнхүү зугтаж чадсан гэнэ. С.Энхмаа  "Надад өөр очих газар алга Би бурхнаас тусламж хүсч байна. Нөхөр маань паспортыг минь хураан авсан. Жирэмсэн байхад минь их зодож байсан. Би цагдаагийн газарт нэг бус удаа хандаж байсан. Гэвч энэ нь гэр бүлийн маргаан хэмээн үл ойшоодог байсан" гэжээ. Бүсгүйг олон үндэстэний сүмийнхэн Монголын элчин сайдтай хотод хүргэж өгөх болон эх орондоо буцах зардлыг олж өгсөн тухай хамгийн сүүлд мэдээлсэн. Мөн түүний хоёр хүүхдийн болон өөрийнх нь паспортыг гардуулж өгч байгаа бичлэг цацагдаад байсан. Тэгвэл С.Энхмаа гэх энэ эмэгтэй эх орондоо одоо болтол ирээгүй байгаа бөгөөд хаа байгаа нь ч мэдэгдэхгүй байна.