ФИФА-гийн оны шилдэг хөлбөмбөгчний шагналд хоёр удаа аман хүзүүдсэн, 2004 оны дэлхийн хамгийн өндөр цалинтай хөлбөмбөгчин, Англичуудаас анхны УЕФА Аваргуудын Лигийн 100 тоглолтонд оролцсон эрхэм бол Девид Бекхэм. “Google”-ээс спортын бүхий л сэдвийн хайлтаас 2003 ба 2004 онуудад түүний тухай хамгийн ихээр хайгдаж байжээ. Дэлхий нийт түүний нэрийг спортын амжилтаар нь төдийгүй дэлхийн шилдгийн шилдэг брэндүүдийн сурталчилгаагаар нь, загварын ертөнцийн бэлгэ тэмдэг гэдгээр нь мэдэх билээ. Түүний амьдралын түүхийг фото зургуудаар нь хүргэе. 

 1980-аад он. Хөл бөмбөгчин болох тавилан. Дэвид Роберт Жозеф Бекхэм 1975 онд Английн жирийн л ажилчид ангийн гэр бүлд хоёр эгчийн хайртай дүү болон мэндэлжээ. Түүний гэр бүл Манчестер Юнайтэд багийг дэмждэг байсан бөгөөд хүүгээ ч мөн хөл бөмбөг тоглохыг уриалж эхэлжээ.

 

1986 онд нэг уйлав. 11 настай Бекхэм бага сургуулийнхаа өсвөрийн хөл бөмбөгийн тэмцээнд ялсны дараа. Шүтдэг Манчестер Юнайтэд баг нь түүнийг өсвөрийн багтаа оруулах сонирхолтой байгаа тухайгаа ээжид нь хэлжээ. Харин Бекхэм энэ мэдээг сонсоод баярласандаа уйлсан гэдэг.

1991 оны 7 сарын 8. 16 настай Бекхэм 50 гаруй сая шүтэн бишрэгчтэй Английн домогт баг Манчестер Юнайтэд-д бэлтгэл хийхээр гэрээ орхин явлаа. Тэр шаргуу хөдөлмөрлөсний хүчинд 1993 онд жинхэнэ багт орсон юм. Тэрээр 1997 онд Мэргэжлийн хөл бөмбөгийн холбооны оны шилдэг залуу тоглогч болж байлаа.

 1997. Бекхэм брэнд. Нэр хүнд нь өссөн Бекхэм энэ онд спортын шилдэг брэнд “Адидас”-ын нүүр царай болжээ. 1998 онд тэрээр энэ мэт гэрээнээс л гэхэд 13 мянган доллар олж байв. 2005 он гэхэд тэрээр “Пепси”, “Gillette” зэрэг томоохон брэндүүдийн өнгө төрхийг тодорхойлж байв. “Sports Illustrated” сэтгүүл түүний жилийн ашгийг энэ үед 30 сая ам.доллар хэмээн зарласан юм.

1997 оны 3 сар. Алдарт “Spice Girls” хамтлагийн гишүүн Виктория энэ сард ирээдүйн нөхөртэйгөө учирчээ. Өмнөхөн нь тэрээр нэгэн телевизийн нэвтрүүлэгт орохдоо хөтлөч Бекхэмийн зургийг үзүүлэхэд “Чамин залуу байна” хэмээн хэлж байв. Тэд анхны харцаар дурлалцсан гэдэг.

1998 оны нэг сарын 24. Бекхэм дурлалт бүсгүйдээ 65 мянган ам.долларын үнэтэй гурван каратын алмазан солитэр бөгж дэлгээд гэрлэх санал тавьсан нь шуугиант мэдээллүүдийн нэг байлаа.

 

1998 оны 6 сарын 30. Английн хамгийн үзэн ядмаар хүн. Дэлхийн цомын тэмцээнд Англи, Аргентин хоёр тоглож байлаа. Тэрээр тоглолтын үеэр сөргөлдсөн Аргентины тоглогчийг өшиглөсний дараа Английн баг торгуулийн бөмбөг дээр оноо алдаж хожигдлоо. Бекхэм ингэж үндэстний дургүйг хүргэсэн хүн болжээ.

1999 оны 3 сарын 4. Виктория анхын хүүгээ төрүүлснээр Бекхэм аав боллоо.

1999 оны 7 сарын 4. Тэд Ирландын Дублин ордны гадаа 236 нэр хүндтэй хүмүүсийг цуглуулж хуримлажээ. Хааны зэрэглэлийн хэмжээнд болсон тансаг хуримын зардал 800 мянган ам.доллар байлаа.

2001 оны 10 сарын 6. Үндэстний баатар . 2002 онд Англи дэлхийн цомын төлөөх тэмцээнд Гректэй тунан үлджээ. Бекхэмийн сүүлийн минутын гоол тоглолтын хувь заяаг 2:2 болгон тэнцүүлжээ. Үүний дараах хэд хэдэн амжилтуудаараа тэрээр 11 сард Манчестер Юнайтэд багийн ахлагч болжээ.

2003 оны 7 сарын 1. Хэдий Манчестер Юнайтэд түүнийг гурван жилийн дотор дэлхийн хамгийн өндөр орлоготой тоглогч болгосон ч 2002 онд тэрээр 22 сая долларын гэрээгээр Риал Мадридыг сонголоо.

2005 оны 6 сарын 2. Тэрээр Девид Бекхэм академиа байгуулж хүүхдүүдэд хөл бөмбөг заах болсон тухайгаа зарласан юм. 

 

2007 оны 1 сарын 11. Риал Мадридад тоглохоо түр азнаж Бекхэм, Виктория нар хүүхдүүдээ аваад Америкийг зорьлоо. Тээрээр Лос Анежелес Галакси багтай 250 сая долларын гэрээ байгууллав. Түүний “эхний” тоглолтыг үзэхээр хүлээсэн үзэгчид тоглолтын тасалбарыг 48 цагийн дотор дуусгасан байна.

2007 он.  Лос Анежелес Галакси багтаа анхны гоолоо оруулсны дараа Бекхэм харамсалтай мэдээ сонслоо. Тэрээр өвдөгний бэртлийн улмаас зургаан долоо хоног тоглох ёсгүй болжээ.

 

2008 онд тэрээр “Emporio Armani”-ийн нүүр царай болов.