"Орифлэйм"-ийн Г.Оюунгэрэл. 12-р сарын 21-нд хүн төрөлхтөн алтан бумбын оронд шилжих тул газар хөдлөлт, ер бусын зүйлс тохиолдоно хэмээн зарим хүнийг цүнх дүүрэн лаа, шүдэнз авахад хүргэж, монгол гэрийн үнийг тэнгэрт хадаасан энэ хадагтайг танихгүй хүн гэж үгүй. Гэвч Монгол дахь "Орифлэйм"-ийн эзэн хатагтай гэхээс өөр зүйл түүний тухай мэддэггүй. Тэр тун өөр хүн аж. 1990-ээд онд улс төрд хөл тавьж, хожим Н.Энхбаярын намд элсэхийг хүссэн түүний тухай сонирхолтой фото түүхийг уншина уу.
"Орифлэйм"-ийг мэдэхгүй орь залуу нас. Тэр Ломоносовын их сургуульд Санжаасүрэнгийн Зоригтой мөр зэрэгцэн сурч байхдаа сургуулийнхаа нэгдүгээр эвлэлийн үүрийн дарга байсан бол С.Зориг 2-р эвлэлийн үүрийн дарга байжээ. 1984 онд тус сургуулийг химич мэргэжлээр төгсөхдөө шууд докторантурт суралцах эрхийн бичиг авчээ. Монголд ирээд Дээд, тусгай дунд боловсролын улсын хороонд эрдэм шинжилгээний ажилтан болсон ч 1990 онд ардчилал ярьсаар намын батлахаа өгсөн байна. Дараа нь ЗГХЭГ-ын боловсон хүчний хэлтэст олон жил ажиллажээ. Ингэж амьдарлын гараагаа огт өөрөөр эхэлсэн байна.
Бага нас. Түүний аав Монголд улсад төрсөн хамгийн сүүлд жанч халсан Говийн шаврон хутагт Гомбосүрэн гэдэг хувилгаан хүн байжээ. Ижий, аав нь Дорногов аймгийн Хөвсгөл сумын уугуул бол энэ охин Улаанбаатар хотод төрсөн, 1977 онд нэгдүгээр сургуулийг төгссөн байна. Найман хүүхэдтэй айлын тав дахь. Социализын үед өссөн хүүхдүүдийн адил "Ядуу байж болно, боловсролтой байх хэрэгтэй" гэсэн аавын үгээр хүмүүжсэн аж.
Хамгийн ховор зураг. Амьдрал дардан байдаггүй. 1991 онд нуруу нугасны гэмтэл авч, нөхрөөсөө ч салжээ. Мөнгөгүй, ажилгүй болсон ч зүгээр суугаагүй нь хоёр хүүхдийнхээ төлөө гэнэ. 1996 оны үед ТҮЦ ажиллуулж, түүн дотроо охинтойгоо хамт пицца, шарсан төмс хийж зарахын хажуугаар гэрийнхээ нэг өрөөнд гоо сайхны жижигхэн салон ажиллуулж байжээ. Бас завсар зайгаар нь англи, орос хэлний орчуулга хийж байв. Хэцүү үед долоохон настай охин нь уран нугарч ээждээ мөнгө нэмэрлэдэг байжээ.
Өөр эхлэл. "Орифлэйм"-ийн дэлхийн зургаан саятан захирлуудын нэг. Ёслолын үеэр зориуд монгол эхнэрийн хувцсаар гоёжээ.
Дэлхийн 63 орны дөрвөн сая зөвлөхөөс "Орифлэйм"-ийн Ерөнхийлөгч цолтон 6 хүн болсон байдгийн нэг нь.
"Орифлэйм"-ийг олзолсон нь. Г.Оюунгэрэл хатагтай яаж захирал болсон бэ гэдэг эхлэл бүхэн хэцүү гэдэгтэй утга дүйнэ. Тэрбээр химийн мэргэжилтэй тул арьсанд нь харшил өгөөд байжээ. Гэтэл нэгэн буриад эмэгтэй түүнийг "Орифлэйм"-ийн бүтээгдэхүүн хэрэглэж үзэхийг санал болгожээ. Орифлэйм ч нүүрэнд нь таарч, мөнгө муутай байсан тул хямд авахын тулд сүлжээнд нь элсчээ. Эхлэл нь энэ аж.
Даваа. Хоёр жил ганзагын наймаагаар "Орифлэйм"-ийн бараа зөөж байхдаа Монголын хил дээр гурван удаа бараагаа хураалгаад 35 сая төгрөгөөр шатаж байжээ. Оросын Новосибирскт мафийнханд зодуулаад нүүрэн дээрээ тамхины галаар төөнүүлж рекетүүдэд нь бараагаа булаалгачихгүйн тулд баахан гахай чирж байж "Орифлэйм"-ийг Монголд оруулж ирсэн гэдэг.
"Би мөнгөнд хайртай. Мөнгө гэдэг бол их аугаа хүчтэй. Мөнгөний чухам юунд би хайртай вэ гэхээр мөнгө чинь хүний мөс чанарыг таниулдаг цорын ганц хэрэгсэл юм".
Зургаан тивийн тавд нь буюу гуч гаруй орноор аяласан. Жилд 4-5 оронд очиж амардаг.
Хоёр дахь амьдрал. Охин, хүү болон ажилд нь тусалдаг нөхрийн хамт.
Залгамжлагч: Одоо саятан болсон "Орифлэйм"-ээ охиндоо өвлүүлээд амьдралын огт өөр зүйлд санаа зовох болжээ.
"Миний амьдрал 43 наснаас эхэлсэн". Тэрбээр 43 настайдаа ТҮЦ ажиллуулаад саятан болохгүйг ойлгож "Орифлэйм"-д зүтгэжээ. Үүний хажуугаар амьдралд нь том өөрчлөлт орсон нь бурхны тухай асуудал байв.
Бурхантай уулзсан нь. Өөрийнх нь хэлснээр "2002 оны 09 дүгээр сарын 16-ны өдөр. Тэр өдөр би
бүтэн хоёр цаг наранд залбираад бясалгасан. Тэр өдөр надад тэнгэрийн хэл
орж ирсэн. Тэгээд л Бурхан байхаар барахгүй, өөртэйгээ харьцах хэлийг
хүртэл шууд өгчихдөг юм байна гэж үнэхээр гайхаж, бас баярласан.
Би бурхныг олон жил эрсэн л дээ. Тэр үед хань ижил байхгүй, тогтсон ажил байхгүй, өвчтэй, мөнгө төгрөг байхгүй нэг хэсэг бүх юм сонин болчихсон байсан юм. Өөрийгөө удахгүй үхнэ дээ гэж бодоод л, ямар ч баталгаагүй амьдралд яаж муу охиноо үлдээж үхэх вэ гэж сэтгэл их шаналдаг байсан юм. Олон шашны номлолыг сонссон, судалсан, эрсээр байгаад бурхнаа олсон" байна.
Би бурхныг олон жил эрсэн л дээ. Тэр үед хань ижил байхгүй, тогтсон ажил байхгүй, өвчтэй, мөнгө төгрөг байхгүй нэг хэсэг бүх юм сонин болчихсон байсан юм. Өөрийгөө удахгүй үхнэ дээ гэж бодоод л, ямар ч баталгаагүй амьдралд яаж муу охиноо үлдээж үхэх вэ гэж сэтгэл их шаналдаг байсан юм. Олон шашны номлолыг сонссон, судалсан, эрсээр байгаад бурхнаа олсон" байна.
Алтан бумбын эрин. 2012 оны 12 сарын 21-ны дараа үл итгэгчид түүнээс хамгийн түрүүнд ам асууж байлаа. "Орчлон сөнөсөнгүй, "Орифлэйм"-ийн Г.Оюунгэрэл хаачив?" гэж.
Улс төрд. Тэрбээр оюутан байхдаа МАХН-ын гишүүн байгаа батлахаа өгснийг дээр дурдсан. Харин "Орифлэйм"-ээ охиндоо өгснийхөө дараа улс төрд хүч үзэхээр шийдсэн байна. "Биеэ засаад гэрээ зас..." гээд л. Тэрбээр хамгийн түрүүнд МАХН-ын дарга Н.Энхбаяр дээр очсон бөгөөд түүнийг бясалгал хийдэг тул монголчуудыг гэгээрүүлэхэд нь тус болно гэж итгэжээ. Н.Энхбаярыг АТГ-аас баривчилсны дараа МАХН-д орно гэдгээ албан ёсоор мэдэгдсэн. Одоо эмэгтэйчүүдийн зөвлөлд нь байдаг.
Хүсэл. Г.Оюунгэрэл ор хоосноос "Орифлэйм"-ийг "бүтээсэн". Харин одоо улс төрд орж, УИХ-ын гишүүн болоод монголчуудыг хүчтэй, мэдлэгтэй болгохыг хүсдэг гэнэ. Тэрбээр мөнгөний төлөө биш монголчуудын төлөө явдаг гишүүн байж чадна гэжээ. Хэзээ нэг цагт тэр сонгуульд нэр дэвшвэл хэр олон хүн түүний төлөө санал өгөх бол?
Т.Гэрэл
Сэтгэгдэл (82)