Энэ сарын 18-нд Украинд болсон мөргөөлдөний улмаас 82 хүн амиа алдсан нь 1991 оны Зөвлөлтийн системийн задралаас хойшхи хамгийн аймшигтай хүчирхийлэл хэмээн нэрлэгдэж байна. Өнгөрсөн оны 11-р сард эхэлсэн тэмцэл хүчирхийлэл болон хувирсаны гол буруутнаар ерөнхийлөгч Виктор Януковичийг нэрлээд байгаа билээ. Түүний тансаг ордныг босогчид эзлэх үеэр хэдэн мянган долларын үнэтэй машины цуглуулга олдсон нь шуугиан тариад байгаа билээ. Тэр дундаа 1950-60-аад оны ховор цуглуулгууд нь олны анхаарал татаж байна.