МХЕГ-ын хяналтын газрын улсын байцаагч нарын дунд асуулт хариултын “Центавр” тэмцээнийг зохион байгууллаа. Энэхүү тэмцээн нь Мэргэжлийн хяналтын байгууллагын улсын байцаагчдын төрийн албан хаагчийн ёс зүйн талаарх хууль, эрх зүйн баримт бичгийг судлах, энэ чиглэлийн мэдлэг, мэдээллээ дээшлүүлэх зорилготой зохион байгуулагдсан юм. Тэмцээнд Эрүүл мэнд, боловсрол, соёл, шинжлэх ухааны газрын “Эрдэм” баг, Байгаль орчин, аялал жуулчлал, геологи уул уурхайн хяналтын газрын “Уурхайчин” баг, Хүнс хөдөө аж ахуй, үйлдвэр үйлчилгээний хяналтын газрын “Соёмбо” баг, Дэд бүтцийн хяналтын газрын “Жигүүр” баг, Хилийн мэргэжлийн хяналтын газрын “Пентавр+1” баг, Санхүү, хөдөлмөр нийгмийн хамгааллын газрын “Сонголт” гэсэн зургаан баг оюун ухаанаа уралдуулсан юм.

Тэмцээний шүүгчээр төрийн албаны зөвлөлийн дэргэдэх Төрийн албаны Институтын ажилтан Б.Нямсүрэн, Авилгатай тэмцэх газрын Урьдчилан сэргийлэх, соён гэгээрүүлэх хэлтсийн ахлах ажилтан, ахлах комиссар Д.Мөнхжаргал, МХЕГ-ын Ёс зүйн хорооны дарга Л.Энхбаяр нар ажиллав. Хилийн мэргэжлийн хяналтын газрын “Пентавр+1” баг төрийн албан хаагчийн ёс зүйн талаарх эрх зүйн мэдлэгээрээ бусдаас ялгарч тэмцээнийг манлайллаа. Харин Эрүүл мэнд, боловсрол, соёл, шинжлэх ухааны хяналтын газрын “Эрдэм” багийнхан аман хүзүүдсэн юм.