Монгол Улсын Ерөнхий Прокурор, Төрийн Хууль Цаазын Тэргүүн зөвлөх Д.Дорлигжав өнөөдөр Хууль зүйн сайд Х.Тэмүүжинг хүлээн авч уулзлаа. Уулзалтын үеэр Д.Дорлигжав прокуророос зарим зүйлийг тодрууллаа.

-Хууль зүйн сайд Х.Тэмүүжин та хоёрыг Төрийн ордонд тааралдаад муудалцсан талаар хэвлэлээр яригдаж байна. Энэ үнэн үү?

-Энэ бол ор үндэсгүй худал зүйл. Бид хоёр цагаан сарын өмнө нэг удаа уулзсан. Түүнээс хойш уулзаагүй таараа ч үгүй.  Гэтэл хэвлэл мэдээллийн хэрэгсэлээр худал шуугиан гарч байгаа учир бид хоёр өнөөдөр утсаар ярьж сая уулзлаа.

-Таны хувьд шинэчилсэн хуулиудад ихэд шүүмжлэлтэй хандаад байгаа гэх шум тарсан. Энэ талаар?

-Тэр яахав дээ. Төр улсын ажлыг залгуулж байхад санал бодол зөрөх явдал алийг тэр гэхэв. Байдаг л зүйл.

-Уулзалтын үеэр юу яригдсныг сонирхож болох уу?

-Бидний хооронд хов хутгаж сенсаац дэгдээж байгаа асуудалд хариу өгөх зүйтэй гэж үзсэн. Мөн эрх зүйн шинэчлэлийн хуулиудын талаар санал зөрөлдөөнтэй байгаа асуудлуудыг ойрын үед мэргэжилтнүүдийг оролцуулан ярилцлага  зөвлөгөөн хийж, байр сууриа нэгтгэх засаж залруулах зүйлээ тодорхой болгоё гэж ярьлаа.