Азийн самбо бөхийн холбооны хоёрдугаар конгресс Узбекистаны Ташкент хотноо хуралдаж дөнгөж сая өндөрлөлөө.

Конгресст 19 орны төлөөлөгчид оролцож холбооны тайлан, цаашдын зорилт, самбыг хэрхэн хөгжүүлэх, уралдаан тэмцээний талаар илтгэж, зохион байгуулалтын асуудал хэлэлцэв.

Азийн самбын холбооны Удирдах зөвлөлийн гишүүд, комиссын дарга нарыг сонгосны дунд Эмэгтэйчүүдийн комиссыг Монгол Улсын иргэн тэргүүлэх боллоо. Монголын самбо бөхийн холбооны ерөнхий нарийн бичгийн дарга, дэлхийн хошой аварга, Монгол Улсын гавьяат тамирчин Х.Батхишиг уг албан тушаалд томилогджээ.