Өнгөрсөн оны долдугаар сарын 31-ны өдөр насанд хүрээгүйчүүдийн хорих 411 дүгээр ангид хүмүүжиж байсан зургаан хүүхэд хэрмэн хашаа нүхэлж, бүлэглэн оргосон хэрэг гарсан билээ. Хүүхдүүдийг өнгөрөгч арванхоёрдугаар сард шүүх байсан ч шүүгчийн тушаалаар нэмэлт мөрдөн байцаалтад буцаажээ.
    Өнгөрсөн оны долдугаар сарын 31-ны өдөр насанд хүрээгүйчүүдийн хорих 411 дүгээр ангид хүмүүжиж байсан зургаан хүүхэд хэрмэн хашаа нүхэлж, бүлэглэн оргосон хэрэг гарсан билээ. Хүүхдүүдийг өнгөрөгч арванхоёрдугаар сард шүүх байсан ч шүүгчийн тушаалаар нэмэлт мөрдөн байцаалтад буцаажээ. Тэдний дөрвийг нь хоёр хоногийн дотор хотоос, хоёрыг нь долоо хоног эрэн сурвалжсаны эцэст Сэлэнгэ аймгийн нутгаас баривчилсан юм. Тэд оргох явцдаа хулгайн гэмт хэрэг үйлдсэн нь тогтоогдсон байна. А.Мөнгөнтулга, Г.Бат-Очир, Т.Анхбаяр, Х.Мөнхбаатар, Г.Алтангэрэл, Э.Түмэнхүү гэх зургаан хүүхдийн гурав нь гурван удаа, хоёр нь хоёр удаа ял шийтгүүлж байжээ. Тодруулбал, дөрөв нь хулгай, нэг нь дээрэм, нэг нь хүчингийн хэрэг үйлдсэн бөгөөд тав нь жирийн дэглэмтэй хорих ангид 15 жилийн хорих ялаар шийтгүүлж байсан аж. Харин хүчингийн гэмт хэрэгтээ хүүхэд чанга дэглэмтэй хорих ангид 15 жилийн хорих ялаар шийтгүүлж байжээ. Тэдний бүлэглэн оргосон үйлдэлд нь өмнөх авсан ял дээр нь 10-15 жилийн ял нэмж төлөвлөөд байгаа аж.