Монголын тулгар төр байгуулагдсаны 2223, Их Монгол Улсын 808, Ардын хувьсгалын 93 жилийн их баяр наадамд Увс аймгийн Ховд сумын харъяат Улсын харцага Н.Батсуурь Завхан аймгийн Идэр сумын харъяат Улсын начин Ш.Жаргалсайханаар 9 даван түрүүлж арслан цолны болзлыг хангалаа.

Н.Батсуурь нь 1987 онд төрсөн. Жүдо бөхийн ОУХМ цолтой.

•    2006 онд Ховд аймгийн баяр наадамд 5 давж аймгийн начин,
•    2011 онд Дархан-Уул аймгийн 50 жилийн ойн барилдаанд түрүүлж аймгийн арслан цол хүртсэн.
•    2011 оны цагаан сарын барилдааны үеэр Даян аварга А.Сүхбатын "Ирээдүйн аварга" шагналыг хүртэж байсан.
•    2013 оны улсын наадамд 6 давж шөвгөрч, улсын харцага цол хүртсэн юм. Уг барилдааны 3-ын даваанд аймгийн хурц арслан Б.Одгэрэлтэй тунаж, 4-ийн даваанд 2012 оны түрүү бөх улсын арслан П.Бүрэнтөгстэй оноолтоор таарч, 5-ын даваанд улсын харцага Өсөх-Ирээдүйг, 6-ын даваанд аймгийн хурц арслан Л.Цэрэнтогтохтой тунаж давсан юм.  
•    2011 оны жүдо бөхийн насанд хүрэгчдийн улсын аварга шалгаруулах тэмцээнд түрүүлж "Спортын мастер",
•    2011 оны дэлхийн цомын аваргаас хүрэл медаль хүртэж "ОУХМ" цол хүртсэн,
•    2013 онд мөн жүдо бөхийн улсын аварга болсон,
•    2012 оны дэлхийн цомоос хүрэл, 2012 оны Азийн аварга шалгаруулах тэмцээнээс хүрэл медаль хүртэж байсан юм.
Н.Батсуурь нь энэ жилийн наадамд Улсын начин Р.Пүравдагва, Улсын гарьд Д.Рагчаа, Улсын заан Ч.Санжаадамба зэрэг Архангай аймгийн бөхчүүдийг дараалан өвдөглүүлсэн юм.