УИХ-ын гишүүн С.Ганбаатар монголчууддаа Үндэсний их баяр наадмын мэндийг дэвшүүлж жиргэлээ. Түүний өнөөдрийн жиргээ олны анхаарлыг ихээхэн татаж байна. Тодруулбал тэрбээр "Хүнээр морио уяуулчихаад өөрсдөө цолыг нь авдаг уяач нэртэй улс төрчид үе дамжиж, залуужиж буй нь харамсалтай. Бөхөөр ярьвал хүнийг өөрийнхөө өмнөөс барилдуулж тав давуулаад өөрөө начин болж буйтай ижилхэн юм даа. Улстөрчид наадмаас хол байвал" хэмээн жиргэжээ. Түүний уг жиргээг үзсэн хүмүүс соёолонгийн уралдаанд морь нь түрүүлсэн Г.Тэмүүлэнг хэлж байна хэмээн таамаглаж сууна.

Т.Энхэлээ