Говьсүмбэр аймгийн гурван удаа улиран сонгогдсон засаг дарга Ж.Баянмөнх нь Шивээговь сумын “Илчлэг шивээ” орон нутгийн өмчит үйлдвэрийн газрыг өвөрмонгол найз Түмэнбаяртаа өгөхөөр зүтгэжээ. Үүнийгээ менежментийн гэрээ хэмээн тайлбарлаж байгаа ч хувьчлалын комисс болон доод тушаалтнуудаа зөвхөн Түмэнбаярт өг хэмээн сүрдүүлсэн байна.
Мөн хэвлэлийнхэн энэ намар бичээд бичээд хандыг нь дарж чадаагүй Увс аймгийн засаг дарга Э.Цасчихэр албаны эрх мэдэл буюу албан тушаалаа урвуулан ашигласан хэмээн эрүүгийн хэрэгт сэжигтнээр татжээ. Түүнийг энэ суудалд тухлахдаа хэчнээн тендер будлиантуулж, мөнгө завшсаныг мэдэх аймгийн иргэд нь АТГ-д шалгуулахаар хандсан гэв.
Налайх
дүүргийн засаг дарга Б.Баяндэлгэрийн хувьд Налайхын уурхай руу тавьсан бетонон
замыг дур мэдэн хуулуулжээ. Энэ нь шаардлага хангаагүйдээ биш өөрийн “Хөл
Налайх” гэдэг цэцэрлэгт хүрээлэндээ уг замыг тавиулах гэсэн үйлдэл гэж налайхын
иргэд үзэж байгаа юм. Өөрийн цэцэрлэгтээ хандив өргөөгүй аж ахуй нэгж, иргэдийг
ямар нэгэн зөвшөөрөл өгөхгүй, баримт бичгийг нь удаах зэргээр хүндрэл учруулдаг
байна. Тэрүүхэн дэндээ өөрсдийн гэсэн вант улсаа байгуулчихсан энэ мэт засаг
дарга нар олон байгаа. Тэд бол өдрийн хоолны төлөө явдаг жижиг загас биш томоос
том загас гэдгийг АТГ-ынхан олж харсан бололтой.
Б.Баяр