Оросын “Аргументы и факты” сонинд мэдээлснээр, 32 настай хятад залуу олон удаа хутгалуулж амиа алдсан байхыг Планерная гудамжини дахь хөлсний орон сууцнаас олжээ. Талийгаач ОХУ-ын ЗГ-ын дэргэдэх Санхүүгийн академид хятад хэл заадаг байсан БНХАУ-ын харьяат багш байсныг тогтоосон байна. Хятад багш залуу Москвагийн улсын их сургуулийг төгсөөд Орост найман жил амьдарч байсан аж. Энэ хэрэг гарахаас дөрвөн хоногийн өмнө Новосибирск хотын зочид буудалд хятадын хоёр иргэн хутгалуулж алуулсан байсныг мөн олжээ. Мөн үүнтэй зэрэгцэн алс дорнодод хоёр хятад эмэгтэйг саяхан хороосон байна. Гэмт хэрэгтнүүд одоогоор баригдаагүй байгаа ажээ.