“Монос” эмийн сангийн жор олгогч насанд хүрсэн хүний тунтай фенобарбитал эмийг иргэдэд худалдаж, үүнийг хэрэглэсэн 16 нярай, хүүхэд ЭХЭМҮТ-д хэвтэн эмчлүүлж байгаа. Уг асуудалтай холбогдуулан НМХГ-аас эмийн сангуудад шалгалт хийгээд дуусч  байгаа  аж.  

Энэхүү шалгалтын талаар нийслэлийн мэргэжлийн хяналтын газрын ЭМБСХХ-ын дарга Г.Батмөнхөөс дараахь зүйлийг тодрууллаа.

-Бага насны хүүхэд фенобарбитал эмийг том хүний тунгаар өгсөн асуудал гарсан байгаа. Үүнд танайхаас шалгалтыг хийж байгаа. Шалгалтын дүн гарсан уу?
-Эмийн санчийн буруутай үйл ажиллагаанаас болж маш ноцтой асуудал гарч 16 хүүхэд эмийн хордлого орсон асуудал гарсан. Үүнд манайхаас шалгалт хийж байгаа. Шалгалтын дүн удахгүй гарна.  Иймээс мэргэжлийн хяналтын газраас хяналт шалгалтыг явуулсан.

-Шалгалтаар ямар зөрчил илэрсэн вэ?
Сүүлийн хоёр мэдээгээс хархад 181 эмийг шалгаж үнэлгээ өгхөд 45 хувь орчим нь жор олголт буруу бичигдсэн байсан. Жорыг олгохдоо эмийн тунгийн хэмжээ, тухайн жор олгож байгаа эмчийн гарын үсэг байгууллага тамга тэмдэг, холбоо барих  гэх мэт зүйлүүдийг тодорхой бичих хэрэгтэй. Гэтэл тийм зүйлүүд нь байхгүй байна. Мөн эм сан болон эм ханган нийлүүлэх төвүүдийн дотоод хяналт  шалгалтыг хийх ёстой байдаг. Гэтэл үүнийг хийхгүй байна. 

-Хичнээн эм хангамжийн газарт шалгалтыг хийсэн вэ?
-Одоогийн байдлаар нийслэлийн хэмжээнд үйл ажиллагаа явуулж байгаа 31 эм хангамжийн байгууллагад шалгалт хийсэн байгаа. Үүнээс 15 нь “Эмийн үйлдвэр компанид үйлдвэрлэсэн Фенобарбитал эмийг худалдан борлуулж байсныг тогтоосон. Үүнийг нь лацдаж зогсоосон байгаа. Мөн МХЕГ-аас гаргасан шийдвэрийн дагуу буцаан таталт хийлгэнэ. Үүнээс гадна жорын бичилтэн дээр алдаа нэлээд гарсан. Жор олголтын талаар өнгөрсөн онд Мэргэжлийн хяналтын газраас Эрүүл мэндийн яаманд санал хүргүүлж байсан.эм нзр

- фенобарбитал эмийг тунгийн асуудлаас болоод эргүүлнэ татах асуудал яригдаж байгаа. Харин эрүүл мэндийн газраас эргүүлэн татахгүй гэж байгаа?
-Эмийг эргүүлэн татах асуудлыг МХЕГ-аас гаргасан. Үүний дагуу улсын байцаагчийн албан шаардлага эмийн үйлдвэр компанид  өгнө. Мөн сав баглаа боодол бүртгэл хамрагдсан байх ёстой.

-Нийслэлийн эрүүл мэндийн газраас мэдээлэл хийхдээ тухайн эмийг улсын бүртгэл бүртгэгдсэн гэж мэдээлж байсан?
Эмийн бүртгэл дээр гэрчилгээ олгодог байгаа. Энэ гэрчилгээн эм дээр олгогдоогүй байсан юм.

- фенобарбитал эмийг нэлээд  эрт эмийн бүртгэл орсон гэж байсан. Ер нь эмийн бүртгэлийг жил бүр шинэчилж хийдэг юм уу?
-Эмийн бүртгэлийг ЭМЯ-ны комисс хариуцаж хийдэг. Харин шалгалтаар бүртгэлгүй болох тогтоогдсон байгаа.

-Өнгөрсөн жилүүдэд шалгалт хийж байхад  бүртгэлтгүй гэдэг нь тогтоогдож байгаагүй юм уу?
- Ер нь бид импортоор орж байгаа эмнүүд нэлээд илүү хяналтыг тавьдаг.

-  фенобарбитал эмийг хэрэглэх жор бичиж өгсөн эмч нар Гурван галын  эмийн сангаас ав гэж хэлсэн гэсэн. Энэ эмийг өөр эмийн сангуудад хулдаалдаггүй юм уу?
- Худалдаалж байгаа. Одоогийн байдлаар нийслэлийн хэмжээн 15 эм сангуудад худалдаалагдаж байна.