Шүүхээс ялын дээд хэмжээ авсан 49 настай Гари Уэлчийг Оклахома мужийн нэгэн шоронд өчигдөр өглөө судсаар нь тариа хийж цаазаар авсан байна. Цаазаар авахад шоронгийн удирдлага байлцсан бол гэмт хэрэгтний ар гэрийнхэн ирэхээс татгалзжээ. Хэрэгтэн ч өөрөө хүн дуудаж байлцуулахыг хүсээгүй байна.      

   Оногдсон ялыг нь зөөлрүүлэхгүй байх шүүхийн эцсийн шийд гарсаны дараа буюу цаазаар авагдахаасаа гурван долоо хоногийн өмнө Г.Уэлч хоолойгоо хэрчин амиа хорлохыг оролджээ. Сүүлийн 20 жилд тэрбээр Оклахома мужид цаазаар авагдахаасаа өмнө амиа хорлохыг оролдсон хоёр дахь хэрэгтэн болсон байна. Тэрбээр 1994 онд Майами хотод Роберт Хардкасл гэдэг хүнийг хамсаатантайгаа нийлэн зодож амийг нь хөнөөсөн юм. Хамсаатан нь мөн цаазаар авах ял аваад өршөөгдөж насан турш хоригдохоор болсон боловч 2001 онд шоронд өөд болжээ.