“Өндөр цалинтай ажилд оруулж өгнө” хэмээн хууран мэхлэх замаар найзыгаа БНХАУ-д худалдсан хэрэгт буруутгагдаад буй П.Батцэцэгийн гэм буруутай эсэхийг Сүхбаатар дүүргийн шүүхэд хэлэлцэж байна.
    “Өндөр цалинтай ажилд оруулж өгнө” хэмээн хууран мэхлэх замаар найзыгаа БНХАУ-д худалдсан хэрэгт буруутгагдаад буй П.Батцэцэгийн гэм буруутай эсэхийг Сүхбаатар дүүргийн шүүхэд хэлэлцэж байна. Хуралд даргалагч шүүгчээр Ч.Хосбаяр, улсын яллагчаар С.Хишигжаргал, өмгөөлөгчөөр Д.Сайнзаяа нар оролцоно. Түүнийг Эрүүгийн хуулийн 124.2-т зааснаар биеэ үнэлэх газар байгуулсан, санхүүжүүлсэн, түүнчлэн биеэ үнэлэхэд зуучилсан, биеэ үнэлэхийг байнга зохион байгуулсан, тээврийн хэрэгсэл, орон байр, бусад зүйлсээр үйлчилсэн хэмээн буруутгаж буй. Хэрэв гэм буруутай нь тогтоогдвол хөдөлмөрийн хөлсний доод хэмжээг хоёр зуун нэгээс хоёр зуун тавь дахин нэмэгдүүлсэнтэй тэнцэх хэмжээний төгрөгөөр торгох, гурван зуугаас дөрвөн зуун цаг хүртэл хугацаагаар албадан ажил хийлгэх, эсхүл таван жил хүртэл хугацаагаар хорих ял шийтгэх аж.