24 цаг өнгөрөхөд бид “Ардчилсан нам хамтарсан засгийн газраас гарахаа мэдэгдлээ. Тус намын үйлдлийг та юу гэж үзэж байна вэ?” гэсэн асуултыг уншигчдынхаа дунд тавьсан юм. Үүнд нийтдээ 420 хүн оролцож, саналаа өгчээ. Дийлэнх буюу 57 хувь нь “Ажлаа дуустал байх ёстой” гэж хариулсан байгаа бол 31 хувь нь “Гарах нь зөв” гэсэн хариултыг сонгожээ. Харин үлдсэн 11 хувь буюу 42 хүн нь “Мэдэхгүй юм, харж л байя” гэж хариулсан байна. Үүнээс харахад уншигчдын дийлэнх нь Засгийн газрыг тараахгүй гэсэн байр суурин дээр байгаа юм. Гэвч цөөнгүй хэсэг нь хамтарсан засгийн газар тарах нь илүү үр дүнтэй гэж үзжээ.

   Харин “Шилдэг брэнд” шалгаруулах санал асуулгынхаа талбарт бид уншигчдынхаа үнэртэй усны хэрэглээнд шилдгийг тодруулахыг зорьсон юм. Өнөөдөр 370 хүн санал асуулгад оролцож саналаа өгчээ. Хариултад өгсөн “Hugo Boss”, “Chanel”, “Christian Dior”, “Oriflame”, “Бусад”, “Үнэртэй ус хэрэглэдэггүй” гэсэн сонголтуудаас “Орифлэйм” брэндийн усыг хамгийн олон хүн буюу оролцогдчын 27 хувь нь сонголоо. Харин дараа нь бусад төрлийн усыг 22 хувь буюу 74 хүн сонгосон байгаа юм. Тэгвэл “Hugo Boss”-ыг 19 хувь, “Chanel”-ыг 11 хувь нь сонгон хэрэглэдэг аж. Харин таван хувь буюу 18 хүн үнэртэй ус хэрэглэдэггүй гэж хариулсан байна. Бид дараагийн санал асуулгуудыг нийтэлсэн байгаа. Уншигч та бүхэн идэвхтэй оролцож, өөрийн үзэл бодол, хэрэглээний брэндээ шалгаруулаарай.

Б.Ганбилэг
ganbileg@24tsag.mn