Цагдаа нарын шидсэн бөмбөг 21 настай байгаль хамгаалагчийн аминд хүрсэний дараа Францын хотуудад эсэргүүцлийн хөдөлгөөн өрнөж байна. Амралтын өдрүүдэд өрнөсөн тэмцэл даамжирч, цагдаа нартай мөргөлдсөний улмаас 100 орчим хүнийг баривчилж, 9 хүн гэмтэж бэртжээ.
    Жагсагчид Эйффелийн цамхгийн өмнө цугларч тайван замаар эсэргүүцлээ илэрхийлж байсан бол сүүлдээ уур хилэн нь дээд цэгтээ хүрчээ. Тэд цагдаа нар луу дайрч, үл мэдэгдэх зэвсгүүдийг гартаа барьсан учир жагсаалыг нулимс асгаруулах хий ашиглан тараасан байна.
Хэргийг эргэн сануулвал, өнгөрсөн аравдугаар сарын 26-нд Лисле-сур-Тарн хотод болсон жагсаалын дундуур 21 настай Реми Фрайссе нас барсан юм. Түүнийг нуруундаа авсан тэсрэх бодисны шархаас болж амиа алдсан гэж улсын прокурор дүгнэжээ. Ремигийн аминд хүрсэн резинэн галт сумыг цагдаа нар жагсаал, цуглааныг тараахдаа ашигладаг бөгөөд өмнө нь ямар ч аюулгүй гэж үзэж байсан юм.
Энэ хэргийн дараа Францын ерөнхийлөгч Франсуа Олланд мөрдөн байцаалтад онцгой анхаарал хандуулахыг албаныханд даалгажээ. Ремигийн үхэл Францын эх газарт 1986 оноос хойш анх удаа үймээн дэгдэхэд хүргэлээ гэж AFP агентлаг мэдээлэв.