Ливийн нийслэл Триполи хотын олон хүн холхисон тойрогт байрлах гөрөөс илж буй нүцгэн бүсгүйн хөшөө алга болжээ. Италийн колонийн үед хамаарах энэ хөшөөг хүрлээр цутгаж босгосон гэнэ. Хөшөөг хэн хулгайлсан нь тодорхойгүй байгаа ч исламын дайчдыг сэжиглэж байна. Тэднийг 2012 оноос хойш бурхан шүтээнтэй холбоотой Османы үеийн сүм, бунхнуудыг эвдэлсэн хэрэгт буруутгасан юм. Ливийн түүх, соёлын дурсгалыг хамгаалагч ахан дүүс энэ хэргийг мөрдөн шалгаж, ял шийтгэл онооно гэдгээ амлажээ.
2012 оноос хойш Ливид Суфизмын түүхэн сүм, онгон шүтээнүүдийг нь эвдлэн сүйтгэх явдал тасралтгүй гарсаар байна. Өнгөрсөн сард гэхэд эртний түүхт Триполи хотын Османы үеийн Караманли сүмийг сүйтгэжээ. Ливийн дарангуйлагч Муаммар Каддафийг 2011 онд засгийн эрхнээс түлхэн унагаснаас хойш цэрэг дайчид, угсаатны бүлгээрээ хоорондоо хуваагдаж, газрын тос, эрх мэдлийн төлөө тэмцэлдэж байна.
