Баруун Африкийн орнуудад сүүлийн 11 сарын дотор Эбола вирусаар 5000 хүн нас барж, аюулын харанга дэлдсэн билээ. Тэгвэл вирусын тархалт буурч байгаа нь илэрхий мэдэгдэж байна хэмээн Либерийн ерөнхийлөгч Эллен Жонсон Ширлеф ярьжээ. Засгийн газраас олон нийтийн мэдлэгийг дээшлүүлэх компанит ажил өрнүүлж, хлор, гар ариутгалын бодис тараасан нь тархалтад нөлөөлсөн бололтой.

Өнөөдөр гэхэр 696 ортой Либерийн Эболагийн эмчилгээний төвд хүн цөөн байна. Эмнэлгийн орны гуравны хоёр нь хоосон байна гэж эх сурвалжууд мэдээлэв.  Гэхдээ өнгөрсөн есдүгээр сарын тооцооллоор 100 гаруй мянган хүн халдвар тээж болзошгүй тул урьдчилан сэргийлэх арга хэмжээг таслан зогсоохгүй гэдгээ Либерийн эрх баригчид мэдэгдлээ.