Мэргэжлийн сумогийн Хацү башё энэ өдрүүдэд Японы нийслэл Токио хотноо үргэлжлэн явагдаж байна. Энэ сарын башё нэлээдгүй сонирхолтой өрнөж байгаа бөгөөд ёкозүна Хакухо М.Даваажаргал түрүүлбэл 1700 жилийн түүхтэй сумогийн ертөнцөд шинэ дээд амжилтыг тогтоох болно. Одоогийн байдлаар Хакухо аварга нэг ч унаагүй 12 даваа аваад байна. Хэрэв энэ сарын башёд түүнийг түрүүлвэл ирэх дөрөвдүгээр сард 1000 хүнийг хамарсан асар том хүлээн авалт Токио хотноо зохион байгуулахаар төлөвлөж байгаа хэмээн аваргын дэвжээний багш Миягино оякато хэлжээ.