Мэргэжлийн сумогийн нэгдүгээр сарын башёд ёкозүна Хакухо М.Даваажаргал түрүүллээ. Ингэснээр Хакухо 33 дахь түрүүгээ авч, 1700 гаруй жилийн түүхтэй сумогийн ертөнцийн хамгийн олон түрүүлсэн бөхөөр шалгарсан юм. Өнөөдөр их аварга маань хүчтэй өрсөлдөгч озэки Кисэносатотой хоёр удаа барилдсан. Эхний барилдаан маргаантай болсон учраас шүүгчид дахин барилдуулахад Хакухо өрсөлдөгчөө давсан. Хакухо их аварга найман жилийн хугацаанд дээд зиндаанд 33 дахь удаа түрүүллээ.