"Эрдэнэс Тавантолгой" ТӨХК-ийн гүйцэтгэх захирал Я.Батсуурийг цагдан хорьсон гэж өмнө нь хэвлэл мэдээллээр цацагдаж байсан.

Гэвч тухайн үед АТГ-аас эрс үгүйсгэж "Тийм зүйл байхгүй" гэж мэдээллийг няцаасан.

Тэгвэл өнөөдөр “Эрдэнэс Тавантолгой”-н захирал Я.Батсуурийг баривчилсан талаарх шуугиан дахин дэгдэж эхэллээ. Харамсалтай нь АТГ-аас бас л үгүйсгэсээр байгаа юм.

Харин өөр нэгэн албаны эх  сурвалжаас тодруулахад "ШШГЕГ-ын харьяа Хорих 461-т саатуулсан. Өнөө өглөө саатуулаад байгаа" гэв.

Энэ явдлыг учир мэдэх хүмүүс MCS-тэй холбон тайлбарлаж байна. Учир нь “Эрдэнэс Тавантолгой”-г MCS зэргийн томоохон  компанид  өгөхийг тууштай эсэргүүцэж байсан хүн учраас улс төрийн явуулгаар баривчилсан байж болзошгүй гэх хардлага нийгэмд бий болоод байгаа юм.

Угтаа бүгд л Таван толгой шиг аварга төсөлд бүтээгдэхүүн, үйлчилгээгээ нийлүүлэхийг хүсч байгаа. Гэвч MCS ганцаар эзэн суух нөхцөл байдал бүрэлдчихээд байгаа юм. Харин үүний эсрэг тууштай байсан хүн Я.Батсуурь.

Өнгөрсөн удаад энэ талаарх нийтлэл, мэдээлэл зарим хэвлэл мэдээллийн хэрэгслээр ч гарч байсан билээ.

http://economy.news.mn/content/204698.shtml

http://www.olloo.mn/n/11890.html

Энэ бол яахын аргагүй "MCS", "Тавантолгой"-той холбоотой асуудал. Харин үүнээс үүдэж Я.Батсуурь цагдан хоригдсон уу гэх хардлага ийн бий болоод байна.