Өнөөдрөөс эхлэн 2015 оны бас нэгэн шинэ сар эхлэж байна. Монголчууд бид бүхэн зурхайн ухаанд нэлээдгүй ач холбогдол өгдөг билээ. Тиймээс биднийг гуравдугаар сард юу хүлээж байгааг дараах зурхайнаас сонирхож үзээрэй.

Хонь

Гуравдугаар сар хонины ордныхны хувьд маш ээлтэй байна. Ажилдаа ахиц гаргаж тушаал дэвшиж магадгүй. Гэхдээ сарын хоёр дахь 10 хоног буюу дундуур бизнесийн салбарт ажилладаг хонины хувьд саад бэрхшээлтэй байж, алданги хүлээж болзошгүй тул болгоомжлох хэрэгтэй. Харин сарын сүүлээр хөрөнгө оруулалт нэмэгдэх эсвэл санхүүгийн байдал сайжрах боломж бүрдэнэ. Энэ сард сар хонины орд руу шилжиж байгаа учраас хайр дурлалын тал дээр ихээхэн одтой байх бололтой. Эрүүл мэнд тогтвортой байна. Хэрэвээ та өөртөө эрүүл зуршил төлөвшүүлж эхлэвэл цаашдаа эрүүл мэнддээ санаа амар байж болно шүү.

Үхэр

Энэ сард үхрүүдийн хувьд харьцангуй тайван байх болно. Өөрийгөө тогтворгүй харилцаанаас чөлөөл. Хямдхан харилцаа үүсгэх хэрэггүй. Эргэлзэж байгаа бол зүгээр л орхихыг гараг эрхэс сануулж байна. Харин та өдөр тутамд тулгарах асуудлуудыг шийдвэрлэж ард нь гарах хангалттай эрч хүчтэй байх юм байна. Гурав дугаар сарын эхний 10 өдөрт хамт ажиллагсадтайгаа маргалдаж магадгүй. Гэхдээ энэ нь хурдан шийдвэрлэгдэх болно. Хэрвээ та бизнес эрхэлдэг бол хаврын эхэн сард үр өгөөжтэй байх бололтой. Тантай дайсагнадаг хэн нэгэнтэй сөргөлдөөд хэрэггүй, сэтгэл хөдөлгөөнөөр асуудлыг шийдвэрлэхээр оролдох бүр ч дэмий,  байдал улам л дордох болно шүү.

Ихэр

Буд гарагийн нөлөөгөөр таны эрч хүч нэмэгдэж эерэг хандлагатай байх болно. Урдаа тавьсан зорилгоо төвөггүйхэн биелүүлж чадна. Амьдрал тань эрч хүчээр дүүрэн байгааг та өдөр бүр мэдрэх болно. Гол нь аливаа асуудалд хандахдаа өөрийнхөө байр суурийг хадгалж, төлөвлөгөөтэй ажиллавал амжилт гаргах болно шүү. Төлөвлөөгүй санхүүгийн хэрэглээ, эсвэл гарз гарах хандлагатай байгаа учраас дансаа сайтар барих хэрэгтэй. Хэн ч чиний өмнөөс өөрийгөө золиослохгүй гэдгийг санаж бүх зүйлийг бусдад найдалгүй өөрөө хийж гүйцэтгээрэй. Ажлаа сайжруулах, амжилт гаргах шинэ санаа олсон бол эргэлзэлгүй хэрэгжүүлж эхэлсэн нь дээр. Хайр дурлалын тал дээр та сарын эхний өдрөөс л амжилттай одтой байна. Хостой ихрүүд харилцаагаа илүү бэхжүүлэх бол ганц бие ихрүүдийн хүний хайрыг татах, дур булаам чанар нь нэмэгдэнэ.

Мэлхий

Ганцхан гуравдугаар сард ч биш бүтэн жилийн турш мэлхийний ордныхон бусад гарагийн сөрөг нөлөөллөөс ангид байх бололтой. Учир нь мэлхийг ивээгч гараг сар өөрийн байрлалдаа орсон учраас бусад гарагийн нөлөөлөл багасна. Мэлхийнийхний удирдан зохион байгуулагч чадвар гоц сайн байна. Аж ахуй, бизнес эрхэлдэг бол энэ сард маш их ашиг олох гарц гарч ирнэ. Та хэд хэдэн ашигтай гэрээ хийх боломжтой. Энэ жилд мэлхийнхэн заяаныхаа ханьтай учрах боломж дүүрэн байгаа. Тэд хайр дурлалын тал дээр ч мөн одтой байх болно. Тиймээс ганц бие мэлхий сонголт хийж хайрттайгаа учрах бол хосоороо мэлхийнүүд хайрандаа умбаж жаргалтай байна. Харин дотор эрхтэн хямарч болзошгүй тур эрүүл мэнд, хоол хүнсэндээ анхаараарай.

Арслан

Энэ сард арслангийнхан эрүүл мэнддээ юу юунаас илүү анхаарсан нь дээр. Ажил ихтэй маш үр дүнтэй ажиллах сар. Өөрийн хөрөнгө оруулахаар төлөвлөж байсан зүйлсдээ мөнгө зарцуулахад эргээд харамсахгүй. Гэр бүлийнхэнтэйгээ салхинд гарч амарвал та дараагийн хэдэн сарынхаа эрч хүчийг авах болно. Мөнгө санхүүгийн хувьд уналт өсөлт гайгүй ч сарын сүүлээр их хэмжээний мөнгө дэмий үрэгдэх юмуу алдаж гээх магадгүй тул болгоомжил. Харин ганц бие хүмүүс тохиолдлын харьцааг илүүд үзнэ. Хийхээр төлөвлөж байсан зүйлс чинь удаашраад байвал санаа битгий зов. Гол нь үргэлжлүүлсэн хэвээр байгаарай.

Охин

Охины ордныхны хувьд энэ сард маш их сорилтуудтай тулгарах бололтой. Ажил карьер, хайр сэтгэлийн тал дээр ч тэр. Таниас ихээхэн тэвчээр шаардах болно.  Хэрвээ хийх ёстой зүйлээ хийчихээд байхад чинь зохих ёсоор үнэлэхгүй байгаа юм шиг санагдвал зоригтойгоор ажлаа сольж болно. Илүү дээр боломж чамайг хүлээж байж магадгүй юм. Өөрчлөгдөх, хөгжих, хэрэгтэй цагтаа хаях зүйлээ хаяхаас эмээх хэрэггүй. Мөнгөө гамтай зарцуул, бүгдийг зугаа цэнгэлд зарцуулахын хэрэггүй. Хайр дурлалын тал дээр хувийн харилцаа чинь аажмаар сайжирч зөв урсгалдаа орно. Хайртай хүнтэйгээ маргалдах магадлал өндөр байна. Архаг өвчин сэдэрч магадгүй учраас хүндрүүлэхгүйн тулд цаг тухайд нь эмчид үзүүл.

Жинлүүр

Ажил мэргэжилдээ амжилт гаргаж, өсөн дэвжихийг хүсэж байгаа бол төлөвлөгөөгөө цагт нь биелүүлж бай. Үйл ажиллагаа идэвхжсэнээр олны дундаас анзаарагдаж, үлгэр жишээ болно. Бүх юм бүтэж байгаа мэт санагдана. Гэвч энэ нь хамт ажиллагсдын дургүйцлийг хүргэж хүндрэл үүсгэж болзошгүй. Тиймээс далд явуулга, үл ойлголцол үүсч болохыг үгүйсгэхгүй.  Дурлалд романтик, мэдрэмжтэй, сэтгэл татам байна. Гэхдээ гэр бүлтэй хүмүүс ханьдаа анхаарал тавьж, хэрүүл маргаанаас зайлсхий.

Хилэнц

Гурав дугаар сард хилцэнцүүд сэтгэл санааны хувьд маш тайван байх бөгөөд хүмүүс таныг маш ихээр хайрлаж дэмжих болно. Хүрээлэлдээ байгаа хүмүүсийн хайраар та ч их урам орж олон ажил амжуулна. Хилэнцүүд  ерөнхийдөө 2015 онд өөрийн хүчээр оргилд хүрэхүйц тэсвэр тэвчээртэй байгаа төдийгүй маш их амжилттай байх хандлагтай байна. Хайртай хүндээ анхаарал тавь. Хамгийн гол нь хэнтэй хамт байхыг хүсч байгаагаа ойлгох хэрэгтэй. Хүүхдүүдтэй чинь холбоотой асуудал анхаарал шаардаж болзошгүй. Зарим нэг нь зугаа цэнгэл хөөцөлдөхийг хүсэх боловч өөрийгөө захирч ажил төрөлдөө анхаарлаа төвлөрүүлэх хэрэгтэй. Энэ сард их бухимдсанаас болж эрүүл мэндэд тань сөргөөр нөлөөлнө. Дархлаа суларч болзошгүй.

Нум

Ажил дээрх нөхцөл байдал сайжирна. Сарын эхэнд ажлынхантайгаа баяр тэмдэглэнэ. Ажилласан хугацаанаас хамаарч өөр өөр байх ч ихэнх хүмүүсийн хувьд цалин хөлс, албан тушаал ахих магадлалтай. Гэхдээ цалин хүсэж байсан хэмжээгээр нэмэгдэхгүй, ихэнэх нь удирдлагаасаа хамааралтай байна. Гэр бүлийн уур амьсгал сайхан байна. Нумынхан энэ сард амралт чөлөөгүй ажиллахын оронд эрүүл мэнддээ анхаарч, чөлөөт цагаараа үр бүтээлтэй байж найү нөхөдтэйгөө хөгжилтэй өнгөрүүлэхийг гараг эрхэс зөвлөж байна.

Матар

Ажил дээр бүх зүйл амжилттай байна. Эхлүүлсэн төслөө дуусгаж хугацаанд нь өгөхийг хичээ. Хамтран зүтгэгчид чинь таныг дэмжих болно. Та энэ сард гайгүй ашиг олно. Санхүүгийн үйл ажиллагаанд болгоомжтой ханд, эргэлзээтэй төсөлд бүү хөрөнгө оруул. Ганц бие хүмүүс энэ сард сонирхолтой хүмүүстэй танилцаж магадгүй. Хэрвээ таны зүрх сэтгэл чинь түүнийг удаан эрж хайсан хүн чинь мөн хэмээх аваас болзооонд урьж өөрийнхөө зөн совинг шалгаж үзэх нь зүйтэй. Матруудын зөн совин өндөр хөгжсөн байдаг тул нэг их алдахгүй л болов уу. Ойр дотныхондоо цаг зав гарга. Хэнтэй ч хэрүүл маргаан үүсгэлгүй, хөршүүдтэйгээ эвтэй найртай байхыг эрмэлзээрэй.

Хумх

Гурав дугаар сард хумхуудыг мөрөөдлийн гэмээр гайхалтай учрал, ажлын санал, ховор боломжууд хүлээж байна. Энэ сар тэдний хувьд ашиг олж болох хамгийн тохиромжтой үе. Тиймээс хичээнгүй сайн хөдөлмөрлөх хэрэгтэй. Орлогын шинэ эх үүсвэр олох магадлалтай. Гэхдээ гарз хохирол учирч болох эрсдэл ч байна. Чухал шийдвэр гаргахдаа болгоомжтой ханд. Уур цухал ихтэй, бухимдуу байх нь харьцаанд чинь нөлөөлнө. Харин хостой хумхуудын хувьд үл ялиг бэрхшээл тулгарч, үл ойлголцол үүсч болзошгүй. Хайрын гурвалжингийн харилцаа бий болохыг үгүйсгэхгүй.

Загас

Ажил дээр тань идэвхтэй, шийдэмгий байдал шаардагдана. Хэдийчинээ их хичээл зүтгэл гаргана, төдийчинээ үр дүнтэй байна. Загасныхныг их анхаарах учраас энэ сар бол өөрийнхөө хэн болохыг харуулах сар. Удирдлага чинь таныг анзаарч сонирхолтой төсөл санал болгож магадгүй. Санхүүгийн үйл ажиллагаанд хянамгай байж, эргэлзээтэй төсөлд хөрөнгө оруулахаас зайлсхий. Олонхи нь энэ сард шинэ хайр дурлалтай учрах юм уу чухал шийдвэр гаргана. Ганц бие хүмүүс найз нөхөдтэйгөө гадуур цагийг өнгөрөө, сонирхолтой хүнтэй учрах магадлал өндөр байна. Өөрийг тань сонирхоод байгаа хүнийг анхааралдаа аваарай.