Английн прьемер лигийн 27 дугаар тойргийн сонирхолтой тоглолтууд өнгөрсөн амралтын өдрүүдэд болж өнгөрлөө. Тодруулбал Манчестер Юнайтэд клуб өөрийн талбай дээрээ Сандерланд клубыг хүлээн авч 2:0-ийн харьцаатайгаар ялалт байгууллаа. Ингэснээр тэд 27 тойргийн дараах байдлаар 50 оноотой болж хүснэгтийн дөрөвдүгээр байранд бичигдэж байна.
            Мөн энэ тоглолтын үеэр онцлохуйц нэгэн зүйл болсон нь хоёр гоол оруулсан Английн шигшээ болон Манчестер Юнайтэдийн довтлогч Уэйн Рүүний нэгэн содон амжилт тогтоосон явдал байлаа. Тэрээр 11 улирал дараалан 10 болон түүнээс дээш гоол оруулсан цорын ганц тоглогч болж түүхэнд үлдсэн юм. Улирлыг тааруухан эхлүүлж байсан “Улаан чөтгөрүүд” эргээд хэвийн формдоо орж гайхалтаа ялалтуудыг байгуулж байна.