Монгол улсад Шинжлэх Ухааны Академи үүсч хөгжсөн түүхэн хугацаандаа өнөөгийн удирдлагын авч хэрэгжүүлж байгаа зохион байгуулалт муу,  сул дорой, үйл ажиллагаа нь явуургүй, зогсонги, нийгэмд эзлэх байр суурь нь байнга ганхаж байсангүй гэж хүмүүс хэлж байна. Өөрөөр хэлбэл, одоогийнх шиг арчаагаа алдсан хэв шинжийг хэзээ ч гаргаж байгаагүй гэдгийг эрдэмтэд нь ч онцлоод байгаа.
Ийм удирдлагын үйл ажиллагаанд бохир улс төр хүчтэй нөлөөлөх болсоноор эрдэмтэн, судлаачдын болон тэнд ажиллагсдын эрх ашиг зөрчигдөж, зарим хүрээлэнгийн хэвийн үйл ажиллагааг зогсоож байгаа бололтой. Харин үүнээс гарч болзошгүй  “хохирол, үр дүнг буруутай хүмүүс хариуцах болно гэдгийг” Академийн ерөнхийлөгч зарим эрдэмтдийн нэр дээр ирүүлсэн албан бичигтэй анхааруулж тэднийгээ дарамтлаад байгаа аж.
 
ШУА-ийн ерөнхийлөгчийн гаргасан тушаал нь шинжлэх ухааны хүрээлэнгийн үйл ажиллагааг  “эдгэшгүй хүнд өвчин тусч сэхээн амьдуулахын орон дээр хэвтэж буй өвчтөн” шиг болгож байгаа төдийгүй  Засгийн газрын тогтоолд заасан үйл ажиллагааны үр дүн, үр ашигийг дээшлүүлэх зорилго хэрэгжих нь бүү хэл гацаанд оруулснаараа төр, засгийнхаа шийдвэрийг дэмжээгүй хэрэг болон хувирч байгааг акедимын гишүүд хэлж байна.

Иймд Шинжлэх Ухааны салбарт ажиллагсдын эрх ашгийг хамгаалах чадваргүй, хүрээлэнгүүдийн хэвийн үйл ажиллагааг алдагдах нөхцлийг бүрдүүлсэн тушаал шийдвэр гарган ажиллаж, ерөнхийлөгч гэдэг нэр хүндтэй, өндөр албан тушаалынхаа шаардлагыг бүрэн хангахуйц түвшинд ажиллаж чадахгүй байгаагаа нэгэнт харуулсан Академийн ерөнхийлөгчийг хугацаанаас нь өмнө огцруулж, ШУА-ийн тэргүүлэгчийн газрын бүрэлдэхүүнийг өөрчлөн шинэчлэх цаг нь нэгэнт болсон талаар сэтгүүлчдэд цухас дурдлаа.

Үүний зэрэгцээ улс төрийн аливаа нөлөөллөөс хол байх зарчим баримталдаг, шинжлэх ухааны байгууллагын хэвийн үйл ажиллагааг хангаж ажиллах чадвар бүхий ерөнхийлөгч болох боломж олгож өгөхийг ШУА-ийн Их чуулганд уриалж байгаа аж.