“Орчлонгийн сайхан бүсгүйчүүддээ Оюунлаг бэлэг бэлэглэцгээе” уриан дор өнөөдөр эмэгтэй зохиолчдын гарын үсэгтэй худалдаа “Интерном” их дэлгүүрт болж байна.

Энэхүү худалдааг Олон улсын эмэгтэйчүүдийн эрхийг хамгаалах өдрийг тохиолдуулан эмэгтэй зохиолчид санаачлан зохион байгуулж буйгаараа онцлогтой. Энэ үеэр “Домогт Ану хатан” номын зохиолч Б.Шүүдэрцэцэг, “Сорхугтани хатан”-ы Б.Сарантуяа, “Очир огтлогч”-ийн зохиолч Б.Батрэгзэдмаа, Б.Эрхэмбаяр, Р.Эмүжин, Б.Төгсжаргал нарын эмэгтэй зохиолчдын номыг худалдаалж байгаа юм.