Мах махан бүтээгдэхүүний үнэ эрс өссөн талаар иргэд бухимдангуй ярьж байна. Гэхдээ бүр хоёр гурван зуун төгрөгөөр биш 1500-2000 төгрөгөөр нэмэгдсэн байх юм. Үхэр, хонины махны үнэ гэхэд л долоо хоногийн дотор 2000 төгрөгөөр нэмэгдлээ. Үүний зэрэгцээ гахай тахайны махны үнэ ч мэдэгдэхүйц хэмжээгээр өссөн байна. Мөн бэлэн бууз, банш хүртэл 400-700 төгрөгөөр нэмэгдсэн талаар хэрэглэгчид ярьж байна. Манайд үйл ажиллагаагаа явуулдаг томоохон худалдааны төвүүдээр хиам үнэ харилцан адилгүй байна. Жишээлбэл “Баянзүрх” захад нэг кг нь 9500 төгрөгөөр худалдаалж байгаа “Мах импэкс”-ийн “Нийслэл” хиам “Номин” супермаркетийн лангуун дээр 13000 төгрөгөөр зарагдаж байна. Харин “Баянзүрх” захад нэг кг нь 6500 төгрөгөөр худалдаалж байгаа “Мах импекс”-ийн “Дээж хиам” “Номин” супермаркетийн лангуун дээр 700 грамм нь 5599 төгрөгийн үнэтэй байна. Тэгэхээр нэг кг нь 8000 төгрөг болж байгаа юм. Одоогийн байдлаар Баянзүрх захад үхрийн мах 8000, хонь 5700, адуу 5000, ямааны мах 4600 төгрөгөөр тус тус зарагдаж байна. Харин хиам болон гахай, тахианы мах хэрхэн өссөнийг сонирхуулья.