Румын иргэн 30 настай Иоана Шпангенберг дэлхийн хамгийн нарийхан бэлхүүстэй загвар өмсөгчөөр тодорчээ. 180 гаруй см өндөртэй ч 45 кг жинтэй, 50.8 см бэлхүүстэй тул яг л элсэн цаг шиг харагддаг аж. Түүнийг “The Sun” сонинд “хүн-элсэн” цаг хэмээн нэрлэжээ. Германд амьдардаг тэрбээр төрөлхийн ийм биеийн харьцаатай байсан бөгөөд 13 настай байхдаа 39 см бэлхүүстэй байсан аж. Румынд махлаг байна гэдэг язгуур угсаа сайтай, хөрөнгөтэй хүнийг илэрхийлдэг тул хэтэрхий туранхай Иоанад нөхөр олоход хэцүү байсан тухай "The Sun"-д ярьсан байна. Тэрбээр “Намайг өдөрт хэд хэдэн таваг шарсан мах, бас нэлээд их шоколад иддэг гэхэр хүмүү итгэдэгүй. Би жин нэмэхийг үргэлж хичээдэг ч их идвэл жижиг хэмжээтэй ходоодтой болохоор өвдчих гээд байдаг талтай” гэжээ.

   Дэлхийн хамгийн нарийхан бэлхүүстэй гэгдэж Гиннесийн номд орсон Этел Гранжер ердөө 13 см бэлхүүстэй ч Ионна шиг төрөлхийн биш, корсет өмсч, маш нарийн хоолны дэглэм барьж ийм амжилтанд хүрсэн юм. Байгалиасаа ийм өвөрмөц галбиртай төрсөн Иоанад сүүлийн үед олон рекламны санал ирэх болсон гэнэ.