Өнөөдөр Хан-Уул дүүргийн шүүхийн Эрүүгийн танхимд циркийн уран нугараач охиныг зодсон сургагч багш Г.Энх-Амгалангийн гэм буруутай эсэхийг хэлэлцлээ.
    Өнөөдөр Хан-Уул дүүргийн шүүхийн Эрүүгийн танхимд циркийн уран нугараач охиныг зодсон сургагч багш Г.Энх-Амгалангийн гэм буруутай эсэхийг хэлэлцлээ. Хурал 12.00 цагаас хаалттай эхлэн, дөнгөж сая дуусав. Шүүх бүрэлдэхүүн Г.Энх-Амгаланг жирийн дэглэмтэй хорих ангид таван жил, нэг сар хорих шийдвэр гаргасан байна. Түүнийг Эрүүгийн тухай тусгай хуулийн 181.3-т зааснаар онц аюултай гэмт хэрэгтэн, түүнчлэн зэвсэг, зэвсгийн чанартай бусад зүйл хэрэглэж үйлдсэн, мөн 100.2-т зааснаар байнга зодох буюу тарчлаах шинжтэй бусад үйлдэл хийсэн гэсэн үндэслэлээр буруутгаж яллажээ. Хурлыг шүүгч Н.Нарантуяа даргалж, улсын яллагчаар О.Гэрэл, шүүгдэгчийн өмгөөлөгчөөр Д.Энхцэцэг, Н.Цэрэнчимэд, Г.Мандахсайхан нар оролцсон юм.