Өнөөдөр Үндэсний их баяр наадмын тухай хуульд өөрчлөлт оруулах шинэчилсэн хуулийн төслийг УИХ-ын дэд дарга Г.Батхүү, УИХ-ын гишүүн Р.Буд, Ц.Цэнгэл нар УИХ-ын дарга С.Дэмбэрэлд хүргүүллээ. Үндэсний баяр наадмыг хот, сум, аймаг бүрт өөр өөр өдөр биш нэгэн зэрэг тэмдэглэж байх тухай энэ төсөлд тусгасан байна. Наадмаар барилдаж шөвгөрсөн бөхчүүд цолоо авсны дараа сэргээш хэрэглэсэн гэдэг нь тогтоогдох асуудал гарсаар байгаа тул бөхийн цолыг сэргээшийн шинжилгээний хариуг үндэслэн олгож байх аж. Мөн үндэсний сурын харвааг халх, буриад, урианхай гэсэн төрлүүдээр зохиох болон морь унах хүүхдүүдийн аюулгүй байдлыг хангах талаар хэд хэдэн заалт оруулсан байна.