Энэ жил Улаанбаатарт цахилгаан шугам сүлжээ үүсч хөгжсөний түүхт 80 жилийн ой тохиож байна. Ойн баярт зориулан бүтээсэн “Сэтгэлийн гэрэл” уран сайхны өнгөрсөн бямба гаригт нээлтээ хийлээ. Эрчим хүчний салбарын мянга мянган ажилчдад зориулан Улаанбаатар цахилгаан түгээх сүлжээ ХК-ийн захиалгаар МҮОНРТ-ийн уран бүтээлчдийн хийсэн “Сэтгэлийн гэрэл” киног эгэл жирийн монтёрын ажил, амьдралын тухай өгүүлэх Чулуунбатын Мөнхзулын “Тав зургаа хоёр буюу сэтгэлийн гал” кино зохиолоос сэдэвлэн бүтээжээ.

Киноны гол дүр болох залуу жүжигчин Д.Хосбаяр, МУСТА Г.Эрдэнэтогтох нар багш шавийн холбоотой 5, 6-р зэргийн монтёрын дүрд чадварлагаар тоглож, цахилгаан эрчим хүчний энергээр хэдэн сар амьдарсан бол Чоны алтан шагай киноны дүрээрээ олны танил болсон жүжигчин Н.Болдцэцэг, Тусгай салаа киноны мэргэн бууч Номин буюу Б.Гэрэлчулуун нар туслах дүрд чадварлагаар тогложээ. Тэнгис кино театрт эрчим хүчний салбарынханд зориулан гаргасан энэхүү киног өчигдөр МҮОНТ-ээр гаргасан юм.