Японы парламентын гишүүн Накай Хироши, Хойд Солонгосын төлөөлөгч Сонг Ил Хо нарын уулзалтыг зохион байгуулахад Монгол Улсын Ерөнхийлөгч Ц.Элбэгдорж нэлээд дэмжлэг үзүүлсэн тухай монголын холбогдох албаны төлөөлөгч ярьсан хэмээн японы хэвлэл “Киодо Ньюс” онцолсон байсан. Монгол Улс хоёр орны хооронд зуучлагчийн үүрэг гүйцэтгэж байгааг үгүйсгэх аргагүй юм.

    Өнөөдөр японы парламентын гишүүн Накай Хирошийн итгэмжлэгдсэн төлөөлөгч Садаки Манабэ Хойд Солонгосын төлөөлөгч Сонг Ил Хотой Улаанбаатарт уулзлаа. Сонг Ил Хо “Японы улс төр ч биш, улс төрийн төлөөлөлч биш хүнтэй уулзлаа” хэмээн ихэд бухимдсан байна.

  Учир нь энэ уулзалтаар Накай Хироши, Сонг Ил Хо нар 1970-аад оны үед сураггүй алга болсон Япон 17 иргэний талаарх чухал асуудлаар ярилцах байсан юм.

Иргэд нь сураггүй алга болсонд Хойд Солонгосын тусгай ажилчид холбоотой болохыг японы хууль сахиулагчид тогтоосон юм. Японы засгийн газар иргэдээ Хойд Солонгосоос авчрахын тулд янз бүрийн арга хэрэглэж, тохиролцохыг санал болгосоор иржээ. Хойд Солонгосын тал 2002 онд Японы иргэдийг хулгайлсан хэргээ хүлээн зөвшөөрч тавыг нь эх оронд нь буцааж байжээ. Түүнээс хойш 2004 оны тав, есдүгээр сард, 2006 оны хоёр, 2007 оны гуравдугаар сард хоёр орны төлөөлөгчид уулзан энэ асуудлаар хэлэлцэж байсан ч зөвшилцөлд хүрээгүй байна.

Хамгийн сүүлд 2007 оны есдүгээр сард Япон, Хойд Солонгосын төлөөлөгчид Улаанбаатарт уулзан дээрх асуудалд харилцан буулт хийх төлөвтэй байжээ. Монголд уулзахаар төлөвлөсөн Н.Хироши, Сонг Ил Хо нар өнгөрсөн онд Бээжинд уулзаж хэлэлцээ хийсэн байж магадгүй гэсэн мэдээлэл байдаг аж. Гэсэн хэдий ч одоо хүртэл асуудал шийдэгдээгүй байгаа нь хоёр орны харилцаанд маргаантай зүйл цөөнгүй байгааг илтгэж байна.

Ямартай ч хоёр талын төлөөлөгчид уулзалтын талаар нууцалж байсан юм.

Өнгөрсөн Баасан гаригт Улаанбаатарт ирсэн Хойд Солонгосын төлөөлөгч Сонг Ил Хо “Япончуудтай уулзаж, огт өөр асуудлын талаар хэлэлцэх гэж байгаа. Гэхдээ сураггүй алга болсон япончуудтай холбоотой асуудлаар уулзалт зохион байгуулахад бэлэн байгаа” гэж будилж байсан юм.

Харин Н.Хирошигийн хувьд “Монгол руу биш Тайваньд айлчлах гэж байгаа. Монголд ямар ч уулзалт болохгүй” хэмээн үгүйсгэж байсан юм. Түүнийг Тайваньд айлчлахаар халхавчилж Монголд ирэх гэж байгаа хэмээн олон хэвлэлүүд сэжиглэсэн.

Харин үгүйсгэж байсан уулзалт өнөөдөр болж, Накай Хироши цаг агаарын байдлаас шалтгаалан Монголд ирж амжаагүйн улмаас Сонг Ил Хотой өөрийн итгэмжлэлээ уулзуулсан нь буруудсан бололтой.

Японы парламентын гишүүн Накай Хироши, Хойд Солонгосын төлөөлөгч Сонг Ил Хо нарын уулзалтыг зохион байгуулахад Монгол Улсын Ерөнхийлөгч Ц.Элбэгдорж нэлээд дэмжлэг үзүүлсэн тухай монголын холбогдох албаны төлөөлөгч ярьсан хэмээн японы хэвлэл “Киодо Ньюс” онцолсон байсан. Монгол Улс хоёр орны хооронд зуучлагчийн үүрэг гүйцэтгэж байгааг үгүйсгэх аргагүй юм.

Монгол Улсын Ерөнхийлөгч Ц.Элбэгдорж ямар зорилгоор энэ уулзалтыг зохион байгуулав? Хоёр орны ноцтой асуудлаарх уулзалтыг зохион байгуулахад Монгол улс ямар хамаатай байв гэдэг нь сэжигтэй байна.