Өмнөговь аймагт байрлах Оюутолгой ордын 60 гаруй хувийг эзэмшдэг “Айвенхоу Майнз” компани 2011 оныхоо санхүүгийн тайланг гаргажээ. 2010 онд 211 сая ам.долларын алдагдалтай ажиллаж байсан бол 2011 онд  570,4 сая буюу хоёр дахин их алдагдалд хүлээсэн байна. Мөн тус компаний орлого ч буурсан байгааг тайлангийн дүн харуулж байгаа юм. 2010 онд 179 сая ам.долларын ашигтай ажиллаж байсан бол өнгөрсөн жил 79,8 сая ам.доллар болж буурчээ. “Айвенхоу Майнз”-ын 51 хувийг эзэмшиж, цаашид хяналтын багцыг авахаар төлөвлөж буй “Рио Тинто” компанид энэ нь том боломж юм. Ашиг нь улам буурсаар байвал “Айвенхоу Майнзын” хувьцаа эзэмшигчид хувьцаагаа илүү хямд үнээр зарах магадлалтай. Ингэснээр Оюутолгойн баялгийг захиран зарцуулах боломж "Рио Тинто" компанид очих боломж нь улам нээгдэж байгаа юм.