“Аз жаргал the bad boy”, “Сайн уу амьдрал минь”, “Гоёлын даашинз”, “Боолын гэрээ”, “Цасан охин” зэрэг киногоороо олонд танигдсан “Big Line Film” студийн шинэхэн кино болох  “Бурхан өршөөг” уран сайхны киног улс төрийн захиалгат бүтээл хэмээн үзэж гаргахыг хоригложээ. Энэ сарын 23-н буюу нөгөөдрөөс "Бурхан өршөөг" киног өөрийн театраар гаргахгүй гэдгээ "Өргөө" кино театрынхан мэдэгдсэн байна. Учир нь долоо хоногийн өмнөөс МАН-ыхан энэ киног Ардчилсан намын санхүүгийн дэмжлэг болон захиалгаар бүтсэн кино гэж үзэн гаргахгүй байх талаас нь хөөцөлдөж эхэлсэн байна. "Өргөө" кино театрт ч мөн киног гаргахгүй байхыг анхааруулсан шахалт дарамт ирсэн учраас ийнхүү "Бурхан өршөөг" киног гаргахаа больсон гэнэ. Эмгэнэлт инээдмийн "Бурхан өршөөг" кино нь энэ сарын 1-нд нээлтээ хийсэн бөгөөд төрийн албан тушаалтнуудын хүнд суртал, нийгэмд бугшсан байгаа шударга бус үйл явдлыг шүүмжлэн харуулахыг зорьсон ажээ. Киноны ерөнхий найруулагч З.Батболд ардчилсан намаас "Өргөө" кино театрын удирдлагуудад "Бид Ардчилсан намд энэ кино захиалгынх биш гэдгийг нотлох бичиг хийж өгөхийг хүссэн. Өнөөдөр энэхүү нотлох баримтаа авлаа. Үүнд “Бурхан өршөөг” киног Ардчилсан нам захиалж хийлгээгүй бөгөөд энэ кинотой холбоотойгоор уран бүтээлчидтэй холбогдсон зүйл байхгүй хэмээн тусгасан байгаа. Өнөөдөр бид нотлох баримтаа “Өргөө” кино театрын захиргаанд хүргэж өгөх болно” хэмээн мэдэгдлээ.


 “Энэ бол кино урлаг, захиалгынх биш. Бид аль нэг намын захиалгаар кино бүтээдэггүй. Дахин хэлэхэд “Бурхан өршөөг” кино Ардчилсан намын захиалгаар хийсэн кино биш гэдгийг албан ёсоор хэлмээр байна” хэмээн найруулагч З.Батболд найлуулагч хэлж байна.