Өнөөдөр ХЗДХЯ-ны сайд Ц.Нямдорж хэвлэлийн бага хурал хийлээ. Энэ үеэрээ тэрээр цагдаагийн дарга нарыг өмгөөлсөн албан тоотыг прокурорын газарт хүргүүлсэн талаараа мэдээлэл өгсөн юм. Тэрээр Улсын ерөнхий прокурорын газарт “Цагдаагийн дарга нарт холбогдох хэргийг шалгах болон хянан шийдвэрлэхдээ Эрүүгийн болон Эрүүгийн байцаан шийтгэх хууль зөв хэрэглэхтэй холбоотой дараах асуудалд онцгой анхаарал хандуулахыг хүсье. 2002 онд батлагдсан Эрүүгийн хуулийн 274 дүгээр зүйлийн 3-т "Цагдаа, тагнуул, шүүхийн шийдвэр гүйцэтгэх, гал түймэртэй тэмцэх байгууллагын офицер, ахлагч, гал сөнөөгч, хорих байгууллагын алба хаагч энэ бүлэгт заасан гэмт хэрэг үйлдсэн бол эрүүгийн хариуцлага хүлээлгэнэ" гэж заасан тул цэргийн хуулиар бус эрүүгийн хуулиар шийднэ үү гэж хүссэн” гэжээ. Б.Чимэг
